دما الانصار

[فراس الحلفي]

بسم الله الرحمن الرحيم
اللهم صل على محمد وال محمد


هذي دماء الانصار*** تفدى السبط المختار
وكل يدري *** ماذا سيجري
على النفوس بكربلاء

نصرنه المصطفى بهل اليوم ** وحسين وعلي حيدر
واجفوف المنايا اتلووح ** وبنص كربلا تفتر
ندري بكربلا مكتوب ** حق الموت تتنظر
صبرنه والاجل محتوم ** ابدما يوم نتعذر
كل يقول انا هنا ** والموت عيد غدى لنا

والموت عيد ** عمر جديد
كل سيحيا بعد القاء

بعنه الدنيا وشدينه ** بحسين السبط جنه
حمينه ال النبي الهادي ** والموت فخر سرنه
هذا النبي كال حسين ** منى وانا منه
هذا سبط سيد الكون ** واخبرنه شكثر عنه
هذا امام الانام ** هذا عمود الاسلام

سورلديني ** حق اليقين
يبقى حسين سر السماء

محد يوصلك يحسين ** مادام الكلب بي دم
كلنا فداك يا مولاي ** وبهايه فلا تهتم
منذور العمر لحسين ** وبشخصه البشر يسلم
كالبه الموت يا محلاه** يموت اسنين بي نحلم
هذا اسواج الاكوان ** هذا اسرور الاحزان

هذا النجاة ** هذا الحياة
للسبط هذا الكون فداء

عرفنه الحك ابو الاحرار**نموت وياك تحيينه
عفنه الاهل عفنه الناس ** لحسين السبط جينه
نقدم الروح كبل السيف ** يا روح الروح دينه
سجل يا اله الكون ** واشهد يل النبي علينه
دم فداء الحسين ** نور يجلي العين

اسم حسين ** نور لعيني
لكل عين فيها حياء

فرق بين النذرعمره ** للحق ينصر المظلوم
وبين ما عرف دربه ** وكل عمره يقلب مهموم
وكل الناس تدري حسين** حق النبي معلوم
واللي حارك يحسين ** بافكار الكفر مسموم
سر بكل الافكار ** حق منير الابصار

قال البشير ** قال النذير
دم الشهيد خير الدماء