تويت
(بسم الله الرحمن الرحيم)
**اللهم صل على محمد وآل محمد**
_______________
جدي ياسيد الأكوان____هذا حسينك عالتربان
ياجدي كطعوا نحره____عدوانه ورضوا صدره
هذا حسينك عالتربان
***
يجدي هذا جسم حسين ابو اليمه
على الغبره صريع امغسل ابدمه
يجدي الكربله ريتك تجي يمه
وجسمه الي تغسل بيدك اتلمه
وتشيله امن الميادين_____وتغسله ابدمعة العين
وتجيب اوياك اله اكفان_____هذا حسينك عالتربان
جدي ياسيد الأكوان
***
يجدي وهذا راس حسينك المكطوع
امخضب بالدمه وفوك الرمح مرفوع
واطفاله تصدله بالنظر واتلوع
يجدي كلبي من هاي المحن مفجوع
ياجدي اشكد شفنه اهوال______امصايبنه اتذوب الدلال
والاعظم ذبح العطشان______هذا حسينك عالتربان
جدي ياسيد الأكوان
***
يجدي أمتك ماراعتك بينه
حته الماي منعوه يالنبي اعلينه
والاعظم من بعد والينه ابو اسكينه
وبعدعباس شمر الي حده بينه
حده شمر ابضعنه_______ومشينه وعفنه اهلنه
ابوسط حومة الميدان______هذا حسينك عالتربان
جدي ياسيد الأكوان
***
يجدي كوم من كبرك يبو الزهره
غسل سبطك وحطه ابوسط كبره
ووسد طفله عبد الله على صدره
وعوض خده يجدي قبله ابنحره
لأن راسه اعله الرماح_____وي ظعن الحرم راح
يشاركنه بالاحزان_____هذا حسينك عالتربان
جدي ياسيد الأكوان
______________________
(بقلمي)**اللهم صل على محمد وآل محمد**
_______________
جدي ياسيد الأكوان____هذا حسينك عالتربان
ياجدي كطعوا نحره____عدوانه ورضوا صدره
هذا حسينك عالتربان
***
يجدي هذا جسم حسين ابو اليمه
على الغبره صريع امغسل ابدمه
يجدي الكربله ريتك تجي يمه
وجسمه الي تغسل بيدك اتلمه
وتشيله امن الميادين_____وتغسله ابدمعة العين
وتجيب اوياك اله اكفان_____هذا حسينك عالتربان
جدي ياسيد الأكوان
***
يجدي وهذا راس حسينك المكطوع
امخضب بالدمه وفوك الرمح مرفوع
واطفاله تصدله بالنظر واتلوع
يجدي كلبي من هاي المحن مفجوع
ياجدي اشكد شفنه اهوال______امصايبنه اتذوب الدلال
والاعظم ذبح العطشان______هذا حسينك عالتربان
جدي ياسيد الأكوان
***
يجدي أمتك ماراعتك بينه
حته الماي منعوه يالنبي اعلينه
والاعظم من بعد والينه ابو اسكينه
وبعدعباس شمر الي حده بينه
حده شمر ابضعنه_______ومشينه وعفنه اهلنه
ابوسط حومة الميدان______هذا حسينك عالتربان
جدي ياسيد الأكوان
***
يجدي كوم من كبرك يبو الزهره
غسل سبطك وحطه ابوسط كبره
ووسد طفله عبد الله على صدره
وعوض خده يجدي قبله ابنحره
لأن راسه اعله الرماح_____وي ظعن الحرم راح
يشاركنه بالاحزان_____هذا حسينك عالتربان
جدي ياسيد الأكوان
______________________