جرينه اعبار

[حوراء الموسوي]

((بسم الله الرحمن الرحيم))

اللهم صل على محمد وآل محمد
**_____________**
جرينه اعبار يبو الأحرار****إلك يامهجة الزهره
______________
يمولانه عليك احنه~~~نبجي وننحب ابكل يوم
أبد ماننسه امصابك~~~يبو السجاد يامظلوم
مصابك حير الأفكار~~~وخله كل كَلب مالوم
يمولانه يرجوانه****إلك وسط الكَلب جمره
______________
إلك جمرة حزن تسعر~~~ابكل كَلب يالعطشان
مصابك والله أذانه~~~يابن سيد الأكوان
وكل عام بشهر عاشور~~~تهل ياسيدي الأحزان
فلا ننساك نظل ننعاك****يضامي ياأبو العتره
______________
يبو اليمه فلاننساك~~~ماننسه كَطع نحرك
ولا ننسه أبو فاضل~~~ومصابه الي كسر ظهرك
ولا ننسه الطفل يحسين~~~الذبحوه على صدرك
يبو الأطياب الدمع سجاب****طفلك لمن انذكره
______________
واسمك لمن انذكره~~~يبو اليمه نجر حسرات
ونذكر راسك المكَطوع~~~والي ابجسمك الطعنات
حبك يجري بدمانه~~~ماننساك ابد هيهات
يبو السجاد يبو الأمجاد****يالضد الظلم ثوره
______________
يالبدمك نصرت الدين~~~وبهلك ويه أصحابك
يريت ابكَلبي صوبني~~~سهم البالكَلب صابك
ودمي ريته دونك سال~~~يالمن دمك اخضابك
ولاهالبين ينور العين****ابمصابك يفجع الحورا
__________________________

(بقلمي)