تويت
بسم الله الرحمن الرحيم
اللهم صلِ على محمد وال محمد
الوفاء الاستثنائي لقمر بني هاشم "عليه السلام "
من صفات العباس بن اميرالمؤمنين ع الوفاء وهذا الخلق من اظهر اخلاقه الفاضلة واشهر سجاياه
الكريمة فقد كان ع وفيا كريما والوفاء شيمة موروثة له من اسلافه الكرام وسجيه طبع عليها وهو
غلام ، والوفاء من اكرم خصال العرب ومن الصفات المحمودة التي حرض الشارع المقدس عليها
واكد الالتزام بها ونهى عن ترك التخلق بها ، اما معنى الوفاء فهو ملازمة طريق المواساة ومحافظة
عهود الخلطاء، والوفاء من نتاج العفة عند الفلاسفة لانهم قالو: اصول الفضائل اربعة: الحكمة،
والعفة،والشجاعة،والعدالة، ولابرهان على اثبات وفاء العباس بن اميرالمؤمنين ع افضل من شهادة
الامام جعفربن محمدالصادق عليه السلام في زيارته ( اشهد لك بالتصديق والوفاء والنصيحة لخلف
النبي المرسل والسبط المنتجب والدليل العالم والوصي المبلغ والمظلوم المهتضم...الخ ) وفيها ايضا
يقول عليه السلام ( فجزاك الله افضل الجزاء واكثر الجزاء واوفى الجزاء ممن وفى ببيعته واستجاب
له دعوته واطاع ولاة امره )الخ الزيارة ، وهذا ظاهر لان جميع افعال العباس بن علي عليه السلام
يوم الغاضرية وفاء منه بحق الطاعة المأخوذة في الميثاق على البشر والوفاء برعاية حق الامام عليه
السلام والوفاء بالبيعة،والوفاء بالوعد له بالنصرة والوفاء برعاية حق الصحبة والجوار الى غير ذلك
من انواع الوفاء المحمود الذي اداه ابوالفضل عليه السلام ، وانا برأيي المتواضع أرى بأن الأئمة
عليهم السلام جميعا بقمة الوفاء بالاضافة الى الصفاة الكاملة لديهم لما فيهم من العصمة التي منحهم الله
تعالى ، لكن شاءت ارادة الله جل جلاله بأن يظهرها لدى الامام العباس عليه السلام لتبلغ اعلى
مستوياتها وارفعها لدى قمربني هاشم فاصبح قمرا زاهرا ينير للاوفياء ويبصرهم حقيقة وروعة الوفاء
بأجمل صوره واعلى مراتبه . ولا يسعني ان اذكر قمر الهواشم بدون أن اكتب شعرا من اروع ما
قرأت في وفاء ابي الفضل العباس عليه السلام .
من قربت الفركه ووادعت عباس
قلب ام البنين تألم هواية
كالت له ابوفاضل يمة ماوصيك
باجر بالطف كون داكلك ثاية
اريدك مثل ابوك ادك رجل بالكاع
تسوي الافعال المامسواية
اذا شافك حسين يشوف وجه حسين
كون اتصير اساس بصنع المراية
خل عينك الزينب ذمتك للموت
لاواحديمسهة وتسمع حجاية
عينك تطفة !!! لا.. غير النهار أيصير
اذا تنكث النور ألبالمصلاية
ماتتركهة لا حاشاك
الله يكول ((من المؤمنين رجال صدقوا ماعاهدوا الله عليه ))
هيج الله يكول بمحكم الاية
ها يمة شكلت ؟ تتركمن إعله الماي ؟؟
هااااا تترك اجفوفك عالمسناية
أي كلي علي سلميلي على العباس
كليله الرجال تبين بهاية
احفر بالصبر عين بعمق تاريخ
الى أن منهة يطلع مجرة مشاية
اذا رادت أطيح جفوفك أنآ انخاك
خليني أعلة بالك عزتي بهاية
اريد اوكف بيثرب باجر ام عباس
ام الماتردد واختلف رايه
ام الما رجع لكن رجع طاريه
ام اليحتر الطف لو مشة فياية
اريدك عالنهر وحدك واكف كون
بس كون المواقف يمك هواية
يم العلقمي اتذكرني من لوليت
من توكف اكبالة وتصفن بماية
اذا يم النهر تسمع تلاطم روج
كول الزهرة سوت بالسمة قراية
اعطش كون احس رخص سوك الماي
ماتبقالة قيمة المالة شراية
شكبرهة من اوكف بيوم القيامة بزود
من تحشر الناس وتوصل الغاية
ويجي حسين وبيدة شايل طفل مذبوح
ويسأل يا الهي بيا ذنب هاية
وتجي لهفة سكينة ويركضلها الجود
جود وبي مجلبة سهام رماية
ويجي مفرع التل من التراب البيه
ومن بعيد زينب تجي مغشاية
وينادي الملاك افسح مجال الان
فاليدخل الان الشايل الراية
وتجي فاطمة الزهرة ادكلي ماجازيج
اكلهة اعلة بختج ماموصاية ...
والحمد الله