نداء زين العابدين ///

[اية الشكر]

---

بسم الله الرحمن الرحيم
اللهم صل على محمد وآل محمد وعجل فرجهم

نداء زين العابدين ( حدي في دفن الأجساد الطاهره )
ــــــــــــــــــــــــــــــــــــــــــــــــــ ـــــــــــــــــــــــــــ
وينك يجــدّي ياعلـي === إحضر دفن تالي هلي
ـــــــــــــــــــــــــــــــــــــــــــــــ
إحضر يجدّي الكربله == هــــاي الرساله عاجله
بيّه المُصايب نازله == وإبْجَيتَــك الهم ينجلي
ــــــ
إحضر يبو إحسين الدفن == ينسانـــــــي ﮔلبك ما أضن
تدري إبدفنهم ممتحن == ياجـــــدّي إحضر ياولي
ــــــــــ
إحضر يجدّي إبمحنتي == تشكــــي ألمهــــا ﭼبدتي
أﺑﭼــي وداري عبرتـــي == صبرك مساري إو منهلي
ــــ
إحضر دفنهم ياأشم == مـــا أﮔدر أحمل هالألم
لوّعني شيّال العلم == رايــة فخرنه المعتلي
ـــــ
إحضر يجدّي إو شاهـده == مذبــــــــوح مصباح الهُدَه
جالت على صدره العــِدَه == نـــور إو مهابـــــــه منملي
ــــــ
إحضر يجدّي ياأبــي == وإدفن إبن طه النبي
زينب تراها بالسبــي == ﻓﮔــدتنــي واني المبتلي
ـــــ
ناري يجـدّي إعتلـــــت == ﺗﭼـــوي إو أبد ما إنجلت
يوم العقيلـه إنولـــت == وأدفن إجيت إﻟﺤﮓ إلي
ــــ
جُرحي كُبر يلمُرتضــــه == أﺑﭼــي على ﮔﻟبي المُضه
لكن ﺑﮔــت روحي إبرضه == تجــــــري الرزايا إو تعتلي