تويت
عتاب الزهراء (ع) لشيعتها
على المسموم مهمومة
الحسن مظلوم من يومه
ذكرت ابني...كثر حزني
الحسن مظلوم من يومه
أنا المظلومة يا شيعة
---------------------
وإلي بصحن الكبد نارين
تشب لجل الحسن وحدة وتشب
وحده لمصاب حسين
فرق ما عندي باولادي
وأنا اشعندي غير اثنين
الحسن روحي وأعز منها
واحسين أغلى من العين
لكن هالليلة أرد أعتب
وأعاتب شيعتي الطيبين
على احسين الدمع تجروه
وجنكم للحسن ناسين
الحزن لحسين وايتامه
الحسن ناسين آلامه
صدق ظني...وكثر حزني
الحسن مظلوم من يومه
----------------------
يا شيعه والتعب روحي
بلهيب المحنه مستعره
ذكرت ابني الحسن لمّن قضى
وأيتام إله تنظره
لو أن قلتوا لي عن احسين
انذبح واعياله اتنظره
وقع بالطف وإجت يمّه
الرباب تقبّله ابنحره
لكن ابني الحسن أصعب
ابهاي الحالة وأشد أمره
عوض ما زوجته اتواسيه
ولنها زوجته اتغدره
ابن ذبحوه عدوانه
وابن غدروه أعوانه
هضم لني...كثر حزني
الحسن مظلوم من يومه
بعد يا شيعة أخبركم
خبر خلّ ىالقلب ينضام
اذكرت ابني الحسن لمّن
على نعشه حاطت الظلاّم
لو أن قلتوا لي كبداحسين
السهم صابه وترك آلام
الحسن مثله انضرب نعشه
ويا ميت رموه بسهام
لو أن قلتوا لي شاف احسين
بنينه على الترب أجسام
الحسن هم حضر لأرض الطف
وشاف على الأرض جسّام
الهضم يزداد واللوعه
على الأولاد مفجوعه
اشظهر مني...وكثر حزني
الحسن مظلوم من يومه
على المسموم مهمومه
الحسن مظلوم من يومه
ذكرت ابني...كثر حزني
الحسن مظلوم من يومه
لـ الشاعر الأديب جابر الكاظمي
â—ڈ مــــآجورين â—ڈ
تعليق