تويت
اللهم صل على محمد وآل محمد«
كربله ويوم الأربعين»
جينه يحسين بعد لوعة يسرنــه
اگعداوشوف علامات ابظهرنـــه
يبواليمه يخونــــــه .. عگب عينك ولونه
*****
ردينــــــه يبوالسجــــــا د لرض العبره ولوعــــــــه
كل واحد يبواليمـــــــــــه عالخد يذرف ادموعــــــه
اجتك هــالحــــرم يحسين من الشــــــام مفجوعـــــه
گــــــوم اتلگـــــه اطفالك منها اگلوب مگطوعـــــه
جينه ابدموع نزور الغاظريـــــــــه
نشچي الهموم لخونه ابهالمسيـــــه
اهل كوفه اسلبونــه عگب عينك ولونه
*****
اجينـــــه الگبرك انزوره اونقبله اونشتم اترابـــــــه
بالچن من نشــــم عطرك ننســه اليسروامصابــــــه
من رحنـــــــــه لم جيناك ادمـــوع النظرسچابــــــه
الگلـب يحسين شيهــود ه من ايفـــارگ احبـــا بــه
طال الفراگ نفذ منـــــه صبرنــه
ريت وياك گضه بالطف عمرنــه
ولاعنك خذونــه عگب عينك ولونه
*****
وصلنــــه الطفك ابياحال وحدتنــه تگـــــــع اوتگوم
اگـعــد خل نســــــــولفلك اونعددلك هظـم واهمــــوم
من العـــاشـرابعاشـــــور واليــــوم اربعين اليــــــوم
يخونـــــه ماگطعنه النوح اولامرابجفنــــــه النــــوم
ابديرت الشام اشد كل المصا يب
ترضه يحسين يسمونـــه اجا نب
جدنه انسب وابونه عگب عينك ولونه
*****
عله گبرگ گعدنـــه انوح اوراسك يبچــــي ويانــــه
انشـده اوخــل يســــولفلك شـــــاهد هوه بلوانـــــــه
طـول الدرب چان الراس فـــــوگ الرمح يبرانــــــه
الحالتنه دموعـــــه اتسيل راسك حاله بچانــــــــــــه
انشد الراس علــــــه حالت حرمكم
اشجرعت الام يبواليمـــــــه بعدكم
ابحقدهم يضربونه عگب عينك ولونه
*****
اجينـــــــــــه نعتذر منـّك يبن الطـــــاهـره الزهــره
عفنـــه ابــــلادفن جسمك عاري اومرمـــي عالغبره
خذتنــــــــه عنك العدوان ونتـــــــــــــه بالجره ادره
ايــــــام اليسـركلـــــــــها الحــــالك نسچب العبـــره
مثــل نحـــرك تصب دم النـــواظـــر
عله گبرك تلگينه اويــــــه جــا بر
لأرض غربه سبونه عگب عينك ولونه
*****
نطوف اعله الگبريحسين اوبينــــــــه هاجت الذكره
من هاي الأرض رحنـــه اوعفنـــاكــــــم عله الغبره
ذكرنـــــــــه من نحشمكم ابخيمنـــــــه النار مستعره
ذكرنــه صدرك المهشوم اوكل اضلوعــــه متكسره
اذكرنه من طاح علمنه اعله الشريعه
اويمه چفين عله الغبره گطيعــــــــــه
ابسهم عينه رمونه عگب عينك ولونه
*****
الشاعر فالح العامري
تعليق