تويت
اني اعوفك يا علي بس ابشروط
الكه واحد مثلك الينخاه مجاب
***
اوكون نايم ليلة بفراش الرسول
وكون قاتل مرحب وشالعله باب
***
وكون اذا مات النبي وما بايعوه
ما يجر اسلاحه ويسوي انقلاب
***
وكون من يصير امير المؤمنين
مو ابراتب يشتغل باس للثواب
***
وكون شاغل كرسي مو مشغول به
مو مخلين فقط يملي النصاب
***
يل علي اشتستاهد الكالك بديل
يكدر يرد الشمس وقت الغياب
***
انت سر القوة عند المسلمين
بغيرك انظل اعزل ابين الذياب
***
ياترف لمن تجي اكبال الضعيف
عكس سيفك من يمر فوق الرقاب
***
الله من انطه الي يحبونك جنان
لازم انطه ا لمى يحبونك عذاب
***
انته محد صورك تطعم يتيم
لا جرايد نشرتك تكسي الثياب
***
منو اليعرف بيك من تعطي الفقير
الله يدري وكفك ويدري النقاب
***
البيه اتراب وظال ماجايسته ايد
يعني محد رايده بي شي يعاب
***
وانت يابو اتراب عكس الفكره هاي
سر محبتك يكمن بهذا التراب
***
منو مثلك حتى رايك عند عين
وجانو ايلقبونها ابعين الصواب
***
الحاربك ما قاري صفحه من الكتاب
وجاا سوالك اذا قاري الكتاب
***
انت بال محراب من تهوى وتطيح
باجر اترد توكف ابيوم الحساب
***
ومانتيهك واضحه اوصافك اكيد
زايرينك ونعرف لون القباب
***
حتى لو تيهنه هم نسال عليك
ماكو غيرك حيدر وصاحب مصاب
***
تعليق