تويت
رثاء أمير المؤمنين علي عليه السلام
ياسر الجليل وسطوة ابراهيم يلبماي الرســـــاله الصافيه تعــــــمـَّد
يا تاج الوفه و يا مـــعدن التوحيد محــــــد مثل شخصك ياوفي وحَّد
شلون مخضب بدمك يبو الحسنين وليش على الصلاة الكوثر ممدد ؟
يا كنز العلم ياعز نبي سلـــــــيمان يامــــــــــــالك النار وجنة الأحد
يمهدم قلاع الهود والطـــــــــــــــــغيان ياماكل نخاله ومالك العسجد
يا لابس الصوف وﭽـــاسي العريان والله الحاربك يابو الحسن مرتد
يعصـــــــاة الكليم ومحبس سليمان ياراية محمد والخـــــــلـﮒ تشهد
عليش يحاربونك عصــبة الشيطان ونيـــران الظــــــلال عليك تتوقد
لأنك بالعدل تحـــــكم وبالقران وحكـــمك بالايات الواضـــــــحة مورد
تدري الحـــــــقد باقي عليك ياكرار ومن ذيـﭺ الايام لهل الوكت يمتد
شما وجروا نار بدار المحبين بسمك ياعــــــــــــلي كل حامية تخمد
ياكلمة الرحمة وصورة الانسان يامالك ﮔــــــلوب أهل الوفه الأوحد
يسلطان الـﮔلوب وملهم العشاﮒ يابحر السعـــــــــادة يفيض مايجمد
يصـﮔـار الطواغيت اللي ضدك مات لأنك سهم من المصطفى مسدد
ولأنك مرتضى كل الكــــــــــفر عاداك وطاغوت النفاق لحربك توحَّد
ولان إسمك علي ورب العلى سمّاك إسمك بالدهور بهيبته امـَّجد
يمحراب الشهاده لكل نجم محــــــــراب وافلاك الوجود ﮔباله تتعبد
تظل عين اليتامه عليك مشبوحات وتظل لكل يتيم بكل وكت مـﮔصد
ولانك مابـﮔت من ذهب بيت المال يظل ثوب الطهاره باسمك مقيد
ولأنك ما خنت وما غرك السلطان وعله ذاري التراب جبينك موسد
صرت فرض الأذان ومولى للأحرار وكل طاهر النطفه بكل فرض يشهد
يشهد (أشهد أن علياً بالحق ولي الله )
خادم أهل البيت إن رضوا بي خادماً
أبو آمنة ليلة 18رمضان 1434هجرية
تعليق