قصيدة روعة ......... للسيد عبد الخالق المحنة

[الشاكر]

يتامى يا علي باجر يتامى ..اذا ترحل على الدنيا السلامه 2
يا والينا تخلينا جرج بينا 2


كمر ينزف دمة ويهتف فزة بيها
الصلاة رادة جرح راسك يصليها
شفت رمشك بدا يرسم ماسيها
بني هاشم بديت اسمع بواكيها
اجت زينب يبو زينب دحاكيها
تكلك يا علي عدمن تخليها
عساني لا شفت يومك عساني ياحيدر يفرح القربك زماني
ياذينة تخلينه جرح بينة
""""""""""""""""""""""""
يتامى يا علي باجر يتامى ..اذا ترحل على الدنيا السلامه 2
يا والينا تخلينا جرج بينا 2


إجت يمك جرح دامي تون سكته
تقلّك هاك أخذ روحي وتظل أنته
صعب يومك ولا بحسابي حاسبته
نده وينك يبو فاضل عهد ردته
حجي عندي يبو الغيره وإجه وقته
لزم ايده ويخليها على ايد اخته


أمانه زينب بإيدك آمانه ،،،، يظل بيدك يبو فاضل لوانا
توافينا وتخلينا جرح بينا
*******


يتامى يا علي باجر يتامى ..اذا ترحل على الدنيا السلامه 2
يا والينا تخلينا جرج بينا 2


عهد مني لأخليها آنا بعيني
يبو الحمله وابد ما عوفن حسيني
يزينب كل ألم عندج يأذيني
ترى اليسرى الك فدوه وفدى يميني
يزينب والوعد بالطف تشوفيني
وأذا عالمشرعه اوقع تعذريني


عليا وداعتج خدرج عليا .... واعذزيني اذا توقع ايديا
تشوفينا تخلينا جرح بينا
*************


يتامى يا علي باجر يتامى ..اذا ترحل على الدنيا السلامه 2
يا والينا تخلينا جرج بينا 2


بجى بسحره ونظر نظره لأبو الاكبر
شبح عينه وبدا يعاين على المنحر
إلك بالطف يضي عيني جرح أكبر
وأشد من هامتي يبني وبعد أكثر
تظل وحدك ولا من هاشمي اليحضر
رغم جرحك تظل عينك على الخدر


انظرك لو طحت ظامي انظرك ...يبويه آنا والزهرا نحضرك
تبكّينا تخلينا جرح بينا

منقولة

[عين الحياة]

أحسنت أخي الكريم {الشاكر}
جعلها الله في ميزان حسناتك
ووفقك لكل خير

[فاطمة الموسوي]

آللهم صلِ على محمد وآله وعجل فرجهم ياكريم
.,.,.ربي يعطيك العافية خيوو (( الشاكر)) .,.,.
إستمتعتُ كثيراً بمتابعة سطوركـ وبما جادت به ذآئقتكم . , .
أبعــد آلباري آلحزن عن قلوبك ومتعكم بالعافيه . , .

.,.,.موفقه يااااارب لكل خير.,.,.
.,.,.وحقق الله مناك.,.,.
~فاطمة الموسوي~

[عاشق الحقيقة]

أحسنت أخي المبدع {الشاكر}
جعلها الله في حسناتك يوم الحساب
ووفقك لكل خير

[الشاكر]

شكرا لكم ايها الاحبة

على دعائكم واهتمامكم

وفقكم الله وسدد خطاكم وتقبل اعمالكم

[ابو امنة]

الأخ الشاكر حقا انها قصيدة روعة وفقك الله بحق علي عليه السلام

[غدير الجابري]

بارك اللة فيك

[الشاكر]

شكرا لكم ايها الاحبة على اهتمامكم

وفقكم الله لكل خير