قصيدة يا سبع الدجيل

[غدير الجابري]

السلام عليكم يا عــشاااق صوت الزهراء

أحب اقدم الكم قصيدة يا سبع الدجيل من أصدار الجديد الأكثر من روعه عظماء


يا سبع الدجيل - باسم الكربلائي


يا من تطلب الحاجات...جد السير وتعنى
وكَصد سيد محمد...وطلب حاجتك منى
***
حــاير لا تضل بأمرك...وعندك اللحوائج باب
بــيها رحمة الباري...وليها الي كَسد ما خاب
دونك سيدي محمد...الماطب حضرته طلاب
أله وبالمصره يعود...منه بغايته مكَصود
بيمن يسأل المعبود...دنيا واخره ينطي
والهم ينكشف عنهه
***
ساحت حضرته بيهه...الكل عله دوه وعلاج
مـا واحد تعناهه...من عدها صدر محتاج
ما بين السمه وبينه...لأملاك السبع معراج
تنزل وبضريحك ادوف...والزوار لقبره تشوف
توكَف على الباب اصفوف
كل زاير يحيونه..ويبشرونه بالجنه
***
الزاير لو لفه يحيوه...من يسدر يودعونه
ويشكرون سعوانه...بالجنه يبشرونه
عـيسه انجان للأعمه...رد النور لعيونه
أهو شجم أعمه ...من طب ليه
رد ابساع نور عليه... جم واحد عدل رجليه
وبفضله وبراهينه...تشهد شيعه وسنه
***
معاجز ضهر الجوده...ما تنحصه وما تنعد
بيه أهل السمه تدري...كل اهل الارض تشهد
يا من تطلب المعروف...دونك سيدي محمد
بضعه من العلي الهادي..شع ابنوره الوادي
طب الحضرته ونادي
يا سبع الدجيل انخاك...حاشه اتخيب الضنه

***

شله الوادم اعليكم...يـا شراف العرب يا مجاد
خلوكم شتت بالبر...منكم كل كَبر ببلاد
وصه المصطفى بيكم...وأهم سوَو عكس ما راد
ياهو الما كَضه بسم...جبده انمرد وتخذم
حته الطفل ما يسلم...والعريس من عدكم
بدم النحر يتحنن

***
يا من تطلب الحاجات...جد السير وتعنى
وكَصد سيد محمد...وطلب حاجتك منى
***
الشاعر مرحوم السید عبدالحسین الشرع

[عين الحياة]

أحسنتِ عزيزتي {غدير الجابري}
وفقكِ الله لكل خير

[غدير الجابري]

تسلمين يااختي الغالية

[فاطمة الموسوي]

شكرا اختي قمة الروعه هذا الموضوع

[ابو امنة]

صلوات الله وسلامه عليك ياسبع الدجيل
الاخت غدير الجابري عيد مبارك سعيد , قصيدة جميلة رحم الله السيد الشرع وبوركتم على هذا الانتقاء

[ابو حيدر الزبيدي]

بسم الله الرحمن الرحيم
شكرا لك اختي الغالية على الموضوع القيم