هذا وكتك و أظن حل يوم الوعد

[م.القريشي]

هذا وكتك و أظن حل يوم الوعد		كَوم يبن الحسن شمتاني بعد
* * * * * * *
بعد يا إبن الحسن قلي اشتنتظر و إطلب امن الباري تعجيل الأمر		عجب قلبك ما نفذ منه الصبر دسل سيفك هاي ساعات الشدد
* * * * * * *
جرد البتار يا شبل الحسن و اظن عندك علم هذا آخر زمن		بعد غيرك من يصفي هالفتن و باطل و غيبه و نميمه و الحسد
* * * * * * *
الغوث صحنه الغوث يبن المصطفه الدين بس الإسم من عنده صفه		و تدري جم سيفاني من عدنه اشتفه ابمنجل المنكر المعروف إنحصد
* * * * * * *
يمته يوم الفرج يا مهدي الزمان شيعتك شتوا شملها ابكل مجان		و نخلص امن الظلم و انعيش بأمان و تدري جم فرعون بالدنيه فسد
* * * * * * *
و إقصد القبر أمك و زيح التراب تلقي كسر الضلع ينطيك الجواب		وإنشد ابيا ذنب من دفعوا الباب وضربة المسمار ما تنزاح أبد
* * * * * * *
قوم إخذ ثارك يبن عقد الوله وخلي عبدالله يشوفونه المله		وجرد البتار و إقصد كربله شنهو ذنبه الجان يرضع بالمهد
* * * * * * *

[عين الحياة]

[م.القريشي]

اختي عين الحياة شكرا لتواجدكم في الرد