أقرؤها للأخير جزيتم خيراً

[اية الشكر]

اللهم صل على محمد وآل محمد

يسكت العالم بأسرة ونستمع صوت الحسين
سلام الله على صوتك حبيبي يا حسين
آني انضر على اصحابي من هووا مثل النجوم
سلام الله على اصحابك حبيبي يا حسين
روحي شبه الطير فرت مصرع الاكبر تحوم
سلام الله على الاكبر حبيبي يا حسين
والذبح جاسم ذبحني وانذبح حلم الشباب
سلام الله على القاسم حبيبي يا حسين
من عطش كلبي اشاهد النهر يجري ترااب
سلام الله على كلبك حبيبي يا حسين
ع النهر طاحن عيوني يم ابو الغيرة انحنيت
سلام الله على عيونك حبيبي يا حسين
ها يا كافل خدر زينب تترك حسين ومشيت
سلام الله على الكافل حبيبي يا حسين
شكد صعب توديع زينب اسرع وتركض وراه
سلام الله على زينب حبيبي يا حسين
والطفل مد ايده يشرب يعتقد دم نحرة مااي
سلام الله على طفلك حبيبي يا حسين
ما اريد اشبك رقية ادري تشبكني وتمووت
سلام الله على رقية حبيبي يا حسين
ها يا سكنه يطول ونج ونة الخدر سكوت
سلآم الله على سكنه حبيبي يا حسين
دمعة الاطفال كلمة كلمة وحدة لا ترووح
سلام الله على اطفالك حبيبي يا حسين
والعليل بعينه نضرة نضرة اكبر من جروح
سلام الله عليلك حبيبي يا حسين
صابني سهم المثلث والجبد نصين صار
سلام الله على جبدك حبيبي يا حسين
من خرز ضهري سحبته وانطفى بعيني النهار
سلام الله على ضهرك حبيبي يا حسين
من طحت من المطهر عيني ضلت ع الخيام
سلام الله على خيامك حبيبي يا حسين
والمهر يحمل جراحك يحمل الزينب سلام
سلام الله على جراحك حبيبي يا حسين
الشمر لمن رفسني التوة ضهري النحيل
سلام الله على جسمك حبيبي يا حسين
و12 طبرة طبرني وضلت ادماية تسيل
سلام الله على دمك حبيبي يا حسين
من تربع فوك صدري صحت يا عباس وين
سلام الله على صدرك حبيبي يا حسين
واسمع الزهرة تنادي واحسيناه واحسين
سلام الله على الزهرة حبيبي يا حسين
ضل يحز نحري على كيفة يقهر بزينب يريد
سلام الله على نحرك حبيبي يا حسين
من نهض والراس بيده صاحت الحك يالعضيد
سلام الله على راسك حبيبي يا حسين
ع الارض جسمي توزع صار ملعب للخيول
سلام الله على اوصالك حبيبي يا حسين
وانكَطع من جفي خنصر ضلت تدورة البتول
سلام الله على الخنصر حبيبي يا حسين
نادوا يا شيعة سلامآ واذكروا الشيب الخضيب
والشفاه الذابلات ونوحوا ع الجسم السليب ..

[خادمة سراج المتوكلين]

بسم الله الرحمن الرحيم
اللهم صلِ على محمد وآله وسلم
السلام عليكم :
باركـ الله فيكـ وفي جهدكـ
قصيدة روعة نرجوا من الله ان يحفظ الملا باسم وكل الرواديد

وهذي قصيدة جميلة ومؤثرة للملا باسم

دنيـه ما بـيها بس هـم غـدر دنـيه

ومنـيـن اجيـبــلـها الصبر دنـيه

راوتـــني نجمـــات الظــــهر دنـيه

************

لـيلـة وداعـك ثـوانـي بـسرعـة مـرت

جـانـت أسرع من دمـعـتي

لـحظـة فـراكَـك مـسـافـة بـلا نـهـايـة

هـواي أطـول مـن دمـعـتـي

والـعـمر بـالـفـركَـة يـطـول يـمـته يـخلـص

حـتـه أخـلـص من غـربـتـي

دهـري راونـي أنـواع الألـم دهـري

كـل لـحظة يـرمـيـني بسـهـم دهـري

واعـرف نـهـايـة هـالـعـمر دنـيـه

*************

يـبنـي كـل الـراح يـرجـع تـدري يوسف

رد قمـيصه للبشـارة

وآنـه كلـكـم ضـيعـتكـم مـرة وحــدة

مـا اجـيتـوا يـالغَــيارة

يـبنـي ويـن الــكَه قميـصـك حـــته اشمـه

بلـكـي كَــلبـي تطفـه نـاره

وينـك يتــارك بكَـلبـي رمح وينـك

لـو انسـه يسـئلنـي الجــرح وينـك

خلتنـي للـمـوت انتـظر دنـيه

**************

تـدري أول كلمة اكَلـك من اشوفـك

يـا حبـيبي أحلـى كلـمة

تـدري آخـر حـلـم عـمري المـا تحقـق

ويـنه نـحرك اردَ اشـمه

تـدري اجمـل كلـمة عـندي شـنهـي يبـنـي

من صحتـلـي ها يــيـمـه

يـمـه معـقولة ما تـرجـع بـعد يـمه

يـمـه أم البـنيـن بـلا وِلـد يـمه

ذابـحنـي يـا سيـف الهـجر دنـيه

*************

يشـهد الله مـا نسيـتك لحظـة وَحـدة

وانته دومـك اعلـه بالـي

من كثـر مـا بـسمـك الـهج صـرت اشـكـن

وانـته يـمـي مـو خـيالـي

أنجـوي بنـارك ونـادي اكَـرب اكَـرب

يالـعفتـنـي هـذا حـالـي

يـبـنـي أطّـشر اجـروح وصـحـت يـبـنـي

أبـجـي وعـلـى وجـهي طحـت يـبـنـي

بـعـدك ولا واحــد يـمـر دنـيه

*******************

تـاكـل بـروحـي الليـالـي واشتكـيلـك

يـمـه ارجـع ويـنـك انـتـه

وارسـم اهـمـوم بـطـريـقك مـرة اكـتب

بـس تعـالـوا مـره يـمتـه

يـا لـطريـقك بــيـه يشـعر مـن أسـئلـه

مـا يـجـاوب يـبجـي سـكـته

أرجـع يـا لمـاخـذ ويـاك الشـمس أرجـع

يـا بـاجـر وحـلـم الأمـس أرجـع

مـجـبورة أقـبل أي عـذر دنـيه

*******************

آنـه أدري مـا تـردلـي بـس احـاول

مـا اصـدك فـاركَـتـنـي

تـالـي بـن حـذلـم اجـانـي وكَـتلـه جـاوب

أبـنـي ويـنـه عـذبـتـنـي

ضـل يعـددلـي إبـنـينـي وفـكـري يـَمـك

انـتـه وحـدك حـيـرتـنـي

نـوحـي أبـنج صـريـع بـكـربـلـة نـوحـي

مـسـبـيـة كـل الـعـايـلـة نـوحـي

والـشـدة زيـنـب بالـيـسـر دنـيـه

********************

أنـتظـر زيـنـب تـعاود وأمـشي لـيـهـا

لازم اسـئل عـن اخـوهـا

عـن كَـمر هـاشـم سـؤالـي والـكـفلـهـا

يـبـقى سـاكـت من سبـوهـا

أبـنـي بـس غـيـرة وحـمـية وشـيصـبره

يـمـه زيـنـب سلـبوهـا

أخـتك كَـتلك أمـانـة بـركَبتـك أخـتك

كَـلـبـي يـكَلـي عـذرتـك أخـتك

عـد زيـنـب عـتاب شـكـثـر دنـيـه