الزهراء والحسين عليهما السلام

[فراس الحلفي]

بسم الله الرحمن الرحيم
اللهم صل على محمد وال محمد

بضلع مكسور *** بكلب مجمور
بدموع العين *** اجيت حسين

اعتنت من المدينة لكربله بهمي ** انه وضلعي يتعثر بدرب جدمي
ردت اجمع دماك السالت دمي ** ردت كلبك ارويه بدمع يهمي

بالم ودموع ** وكلب موجوع ** بدرب ماشين ** اجيت حسين

اجيت بروح مجروحه وكلب مهظموم ** اجيت دموعي مسفوحه ودليلي يحوم
لكيتك بس جسد مخضبينه ادموع ** حضنتك يا بعد كلب امك الملجوم

صحت يحسين ** ودموع العين ** تطكك كل حسين ** اجيت حسين

شفت يمك رضيعك نايم بسدك ** بسهم مذبوح يتروه بعطش جبدك
صحت وينك يحيدر وصحت جدك ** يحضروني ويعينوني على فكدك

حزيته الروح ** الكلب مجروح ** فجعني البين ** اجيت حسين

تحملت المصايب واعتنيت بروح ** مهظمومه على فكدك بس تون وتنوح
شفت راسك ينور على الرمح يلوح ** شفت جسمك صريع على الثرى مطروح

نحت يمك ** يبعد امك ** بدموع العين ** اجيت حسين

حضنتك يبني من همي ودليلي نعاب ** ومن سهم الذي صابك دليلي انصاب
صحت من لوعتي ابنك يالدحيت الباب ** ليش بلا ذنب مذبوح يبن اغراب

يهل دمعي ** بالم ضلعي ** بحراح سنين** اجيت حسين

الم لوعه ومرار وحيره ويه دموع ** هظم ونه ونحيب ونوح مو مسموح
شيصبر ني على فكدك والكلب موجوع ** ايبني بوسط روحي الرسم مزروع

شلون انساك ** وانه بذكراك ** اهم كل حسين ** اجيت حسين