حب الحسين

[فراس الحلفي]

بسم الله الرحمن الرحيم
اللهم صل على محمد وال محمد

احنه لو نتكطع بحب الحسين** عالعهد وياك بين المرسلين

سيدي وياك كلنه عالعهد ** لا ابد منحيد عن هالمعتقد
يبقى حبك بينه من ولد لولد** وما يغير ونه الطغاة الظالمين

انت اصل الدين واصل المسالة **جزروا اهلك واخوتك بالفلة
وانت من ضحيت بطف كربله ** ردت يبقى دين رب العالمين

رادو يضيعون ذكرك بالطفوف**وينهوا دين الباري بالدم والسيوف
انت وي سبعين كابلت الالوف** وما خذاك الخوف من المعتدين

مو تحت اسم الخوارج قاتلوك ** وجمعوا جيش الغدر وكابلوك
وذكرك يضيعونه رادومن اجوك** من زمان يزيد ذاك ابن اللعين

ودارت الدنية ولعب بينه الدهر ** ورجعوا احنه علينه حكام الغدر
ورادو يمنعونه ندك الصدر ** ورادو يمنعون حتى ادمع العين

سدت زوار الحسين محاصرة ** كل مكان ودرب نصبوا سيطرة
واليزور حسين عمره يخسره ** يكطعون الروس ويكطعون ادين

النوب اجة الزرقاوي هو وزمرته ** يفجر الكلمن يزوره بحضرته
رايد الملعون يمحي زيارته ** ندوس عالموت ونزورك ياحسين

نقدم الانفس ونقدم الركاب ** لجل حب حسين نمشي ومانهاب
اليزور حسين لامو بس ثواب ** يثبت بدفتره حب الثقلين

نقدم اموال وبنين لثورتك ** راية الدين الحنيف برايتك
غاية العز والشرف في خدمتك ** فاز كلمن يخدمك يبن الامين

[عاشقة ابي الاحرار]

اللهم صل على محمد وآل محمد

بسمك اي عاشق اليك اني غيور سيدي عليك

فأنت ديني ومن يقني اراك سرا مصون تهون ذاتي

الى المماتي والحسين لا مايهون .

احسنت اخي ,",فراس الحلفي" ,, على هذه القصيده المعبره بحق مولنا سيد القلوب

الامام الحسين عليه السلام

جعلها الله في ميزان حسناتكم

[فراس الحلفي]

بسم الله الرحمن الرحيم
اللهم صل على محمد وال محمد

شكرا لمرورك اختي الكريمة وبارك الله بك ووفقك لكل خير


.................................................. ..................
*********************************************