لسان حال السيده زينب مع الإمام الحسن ع

[حوراء الموسوي]

((بسم الله الرحمن الرحيم))

**اللهم صل على محمد وآل محمد**

السلام عليك ياأبامحمد الحسن ابن علي أيها الزكي يابن رسول الله(صلى الله عليه وآله)
_____________________________________________


يبن الزهره يبن الزهره~~~آنه اختك جيتك منكسره
________________
اتعنيتك مشدوهه اذهاني****مهمومه ومتغيره الواني
اكعد يبن امي اتلكاني****وكلبي ابكلماتك خل يبره
________________
يابومحمد ياضي عيني****اكعد يبن امي وحاجيني
خويه اسمع صوتك خليني****خل تخمد ناري المستعره
________________
يبن امي ويانور اعيوني****ياريت ابدالك سموني
الكوم ولابيك ايفجعوني****ولا اشوف احشاءك متوذره
________________
امصابك يبن الزهره افجعني****وطشت البيه جبدك لوعني
وانحب ظليت ويسمعني****حسين ويجري اوياي العبره
________________
حسين اعليك اتسيل ادموعه****ومهموم ومحنيه اظلوعه
وروحه اعله امصابك مفجوعه****وياخويه ايناديك ابحسره
________________
اكعد سكن روع اعضيدك****نشف دمع اعيونه ابإيدك
حسين اليوم الشده ايريدك****ايريدك يمه ابكطعة نحره
________________
يابومحمد ياوالينه****بالهم بعدك لتخلينه
مانحمل فكدك تدرينه****خويه الي ايفكدك شيصبره
_________________________________________
(بقلمي)