أبوذيات

[حوراء الموسوي]

(بسم الله الرحمن الرحيم)
*اللهم صل على محمد وآل محمد*

أبوذيات لسان حال السيده زينب مع الإمام الحسين (عليه السلام):
************************
عكَبك كل هظم حزته وحزني
وعلى افراكَك هظم كَلبي وحزني
يريت الحز وريدك رد وحزني
ولا اشوفك ذبيح اعله الوطيه
__________________
نيران الكَلب فكَدك وجرهه
وعليك اجذب ألف حسره واجرهه
واخبرك بتك اظربهه وجرهه
الظالم من تعنتلك شجيه
__________________
الظعن عنك غصب يحسين يسره
وبيه زينب خذوهه الكوم يسره
وكافلهه تصد يمناه ويسره(يسراه)
يمه امكَطعه اعله العلكَميه
___________________
رزايه اشكَد عكَب عينك وجدنه
وفوكَ اهموم دنيانه ووجدنه
سبونه الكَوم ياخويه وجدنه
ماراعوا حرمته انذال اميه
___________________
سبوني الكوم خويه واشد من هاي
يصد ليه الرجس وايصيح من هاي
تمنيت العمر يحسين من هاي
ولا اشوفن يزيد ايصد عليه
____________________
يخويه جيت انه اشكيلك وظعنه
عكَب عينك تمرمرنه وضعنه
وسبونه الكَوم والظالم وضعنه
ابخرابه وموتوا بيهه رقيه
____________________
الكَلب وناته يبن امي علاهه
الرقيه الي هظم فكَدك علاهه
ماراعوا زغر سنهه وعلاهه(عليهه)
جاروا يالولي كَوم آل اميه
______________________________

(بقلمي)

[فراس الحلفي]

بسم الله الرحمن الرحيم
اللهم صل على محمد وال محمد

مشاركة جميلة بارك الله بك ووفقك لكل خير وجعلها في ميزانك ان شاء الله

دفعني الشمر عن جثتك ولي ساب
وبسوطة ورم امتوني ولي ساب
ترضى وية العدة امشي ولي ساب
شفة غيضة يخوية وشمت بية

يبن امي شمون تدري ونا ليك
زماني اخطفك من ايدي ونا ليك
يبن امي شسبب اسمع ونا ليك
وانشدك ما ترد اجواب الية

يحادي لوشفت شيعة وسادة
اخبرهم بالجرة علينة وسادة
حسين الرمل صايرلة وسادة
وثلاثة ايام مرمي عالوطية