هضيمة حسين عالغبرة

[فراس الحلفي]

بسم الله الرحمن الرحيم
اللهم صل على محمد وال محمد الطيبين الطاهرين




هضيمه حسين عالغبره...ابو الاحرار ابو العتره

ثلاث ايام....بقى الاسلام
ثلاثةايام عالغبرة




ثلاث ايام والينه.......بقى مطروح..........نزف وجروح..........على التربان رامينه

تهشم صدره واجبينه........بنبل وارماح......وبيض اصفاح......تعاين علحرم عينه

مشه بلياه حادينه.........نصيح بصوت......نريد الموت....حرم واطفال ضلينه

نعوف شلون ابو اليمه.....ذبيح مخضب ابدمه.,......حرام اتنام..... ثلاث ايام

هضيمة حسين عالغبرة ......ابو الاحرار ابو العترة
ثلاثة ايام ...... بقى الاسلام
ثلاثة ايام عالغبرة



نريد انشوف اسبابه ..شني الاسباب..ولينه انصاب..سمعنه بالسمه اجوابه

نهج دين الله وكتابه..يريد ايدوم..بدمه المظلوم..عمامه وولده واصحابه

ثبت دين الله بمصابه..بدموم اتسيل..بلا تغسيل..جسد مدفون بترابه
بقى علكاع ومخضب....جسم مهشم ومسلب.....ابن الاكرام.....ثلاث ايام




هضيمه حسين علغبره...ابو الاحرار ابو العتره

ثلاث ايام....بقى الاسلام
ثلاثة ايام عالغبرة



وصل سجاد للمصرع..لكه الاجساد.. بدون اوساد ..تنام اعله الارض اجمع
يهل اعيون بالمدمع..صبر هليوم..امر محتوم..على الشبان والرضع
يكلب ياجرح افجع..ذبح وليان..سبي النسوان..يلوج ولا ابد يهجع
وصل سجاد للحومة..دفن اجساد مهشومة..دفن الاجسام..ثلاث ايام


هضيمة حسين عالغرة ...... ابو الاحرار ابو العترة
ثلاثة ايام ........ بقى الاسلام
ثلاثة ايام عالغبرة


رجع وجروحه جتاله..تهد الحيل..يصيح الويل..على الميدان واهواله
دموع العين هماله..على المذبوح..يون وينوح..دفن للموت ابطاله
وزينب صارت اكباله.. تكله وين..دفنت حسين ..جمعت شلونا وصاله
دفنت وياه علي الاصغر..وشبيه المصطفى الاكبر..بحزن والام .ثلاث ايام


هضيمه حسين علغبره...ابو الاحرار ابو العتره

ثلاث ايام....بقى الاسلام
ثلاثة ايام عالغبرة



يعمه ومن رحت يمه..لكيت وياه..رسول الله..يضمد جرحه ويشمه
ولكيت الطاهره امه..وعلى الكرار..الكلب وج نار..يحضنه بلوعه ويضمه
شفت املاك ملتمه..شفت جبريل..مع اسرافيل..نصب ماتم لبوا ليمه
يعمه وهايه احوالي ..حزن وآهات تبرالي..ولطم علهام..ثلاث ايام


هضيمة حسين عالغبرة .......ابو الاحرار ابو العترة
ثلاثة ايام .....بقى الاسلام
ثلاثة ايام عالغبرة

[همسات الزهراء]

بسم الله الرحمن الرحيم

اللهم صل على محمد وال بيت محمد الطيبين الطاهرين

وعجل فرج مولانا صاحب العصر والزمان بحق الامام الحسين

بوركت اخي الفاضل (فراس الحلفي) لطرحك هذه القصيدة الحزينة

لقد ادمت اعيننا عندما قرأناها

جعلك الله من خدام الحسين .....نسالكم الدعاء


*******************

[فراس الحلفي]

بسم الله الرحمن الرحيم
اللهم صل على محمد وال محمد الطيبين الطاهرين

السلام عليكم ورحمة الله وبركاته
الشكر موصول لكم اختي الكريمة (همسات الزهراء ) لمتابعتكم ومروركم الجميل على متصفحي بارك الله بك ووفقك لكل خير بحق رسولنا الكريم واهل بيته الاطهار انه سميع مجيب

[المهتدية]

قصيدة أثرت فينا لكن الجواب يكون بلسان حال زينب {ع}:



زينب الحرةلأخوهه تنادي كوم لينه ياعزيز الهادي
هجمت العسكر يخويه إعلينه وعكب عينك منهو اليبارينه
واليتامى تصيح إلحك لينه وخايفين وضاعوا بهالوادي
كوم ياخويه الخيم حركوهه واليتامى والحرم سلبوهه
والعده بسياطهم ضربوهه ظلم هذا لاجره ولاسادي
خويه هذاإمصاب لاصار وسده والعيال امن السلب متفرهده
والضعن سار ومشه ويه الحادي اشلون جسمك عالثره يبقه سليب
واحنه خويه أعليك بصراخ ونحيب نشكي هذا الحال للباري المجيب
وحالي ظل بغيبتك مترادي