انه البالباب عصروني

[فراس الحلفي]

بسم الله الرحمن الرحيم
اللهم صل على محمد وآل محمد



بهظم وبنوح خلوني انه البالباب عصروني
يا حيدر كوم..يا حيدر كوم

من صوب البسمار..ضلعي يا حامي الجار..حالة غريبة
ريتك تشوف الصار..بنت النبي المختار..باعظم مصيبة
وينك يابو الاحرار..مستعرة بية النار..بكلبي لهيبة
حمو الاشرار..كوم العدة الكفار..دنية عجيبة
ضرب بسياط ضربوني
كمت ما شوف بعيوني

لفتي الكوم يا حيدر كوم

بهظم وبنوح خلوني انه البالباب عصروني
يا حيدر كوم..يا حيدر كوم


حيدر العادوك..بيوم الي مني خذوك..يصعب علية
ابدا فلا راعوك..بالحبل من سحبوك..ولد الدعية
غايتهم يمنعوك..تخضع لهم رادوك..تعوف الوصية
لهل ظلم ودوك..انته الفحل يدروك..حامي الحمية

صحت يا حيدر ادركني
الضلع مهشوم يالمني

تسيل دموم يا حيدر كوم

بهظم وبنوح خلوني انه البالباب عصروني
يا حيدر كوم..يا حيدر كوم

لمن جنت بحماك ..يا حيدر اترجاك..شوف الجرالي
ما تدري كوم اعداك..هجمت بعد فركاك..كلهة على حالي
انحب بكيت انعاك..مامن معين وياك..لا من موالي
كل الهج بطرواك..لا والله ما انساك..عشت بخيالي

جنت متفاخرة بسدك
صرت مظلومة من بعدك

امر محتوم يا حيدر كوم

بهظم وبنوح خلوني انه البالباب عصروني
يا حيدر كوم..يا حيدر كوم

من سكط بالباب..وبلا ذنب واسباب..ذايب دليلي
يوم الي ضلعي انصاب..مني الكسر ينعاب..منهدم حيلي
جرح الغدر ما طاب..مني الدموم خضاب..اصرخ يا ويلي
انه الجنت ما هاب..بسمك يا داحي الباب..يامن جفيلي

انه المظلومة ناديتك
تشاهد حالي يا ريتك

جرح مسموم يا حيدر كوم
بهظم وبنوح خلوني انه البالباب عصروني
يا حيدر كوم..يا حيدر كوم

كل عيلتك ها لحين..تصرخ يا حيدر وين..الحك علينه
وينك يا نور العين..ما من معين يعين..بويه انولينه
من سكطوا الجنين..ما رحموا أم حسين..بضعة نبينه
الزهرة بحزن وونين..المن تدير العين..غايب ولينه

الزجية تنادي بالحسرة
بالم وبلوعة وبعبرة

نخيت اليوم يا حيدر كوم
بهظم وبنوح خلوني انه البالباب عصروني

يا حيدر كوم..يا حيدر كوم

[طالبة]

ﺃﺇﺳـ ﻉٍ ـﺪ ﺍﻟﻠﻪ ﺃﺇﺃﻭٍﻗـﺂﺗَﻜُـﻢ ﺑﻜُـﻞ
ﺥَ ـﻴﺮٍ
ﺩﺁﺇﺋﻤـﺎَ ﺗَـﺒﻬَـﺮٍﻭٍﻧﺂﺁ ﺑَﻢَ
ـﻮٍﺁﺿﻴﻌﻜـﻢ