العقيلة والحسين سلام الله عليهما

[فراس الحلفي]

بسم الله الرحمن الرحيم
اللهم صل على محمد وال محمد

زينب اجتك يحسين بالحسره وتهل العين
ومن الهظيمه تشكي الظليمه
زينب اجتك يحسين


بيا حال شوف من اليسر زينب اجت مهضومه
وبلا خدر هيه اجت بت فاطمه المظلومه
يا ريت عاشور انمحه وما شافت عاشر يومه
وبلا ذنب ذيج الزلم اتوسدت عالحومه
من ادفنوها ما غسلوها
وبلا غسل مدفونين

زينب اجتك يحسين بالحسره وتهل العين
ومن الهظيمه تشكي الظليمه
زينب اجتك يحسين

زينب اللي محد لمح محد عرف طول الها
يا حيف وسفه ميسره تبجي وتهل دمعتها
وينك يحماي الحمه وينك علي اتساندها
هاي العقيله ابلا ولي ومحد حضر شدتها
بنت الزجيه صارت سبيه
يا وسفه بت الطيبين

زينب اجتك يحسين بالحسره وتهل العين
ومن الهظيمه تشكي الظليمه
زينب اجتك يحسين

لمن اجت ام الحزن للغاضريه ابلا روح
بلا وعي راحت تهم لحسين اخوها المذبوح
ظلت تون فوك الكبر وتمنت وياه اتروح
شتروف هيه ويا جرح ما ظل ما مجروح
سلبوا خدرها وشكد صبرها
بس الصبر الها معين

زينب اجتك يحسين بالحسره وتهل العين
ومن الهظيمه تشكي الظليمه
زينب اجتك يحسين

العباس راحت تنتخي نبع الوفه والخوه
تشكيله من اللي جره وتكله فكده اسوه
للشام رحنه اعله الهزل وعله الهزل نطوه
ساعه انضرب ساعه انشتم ترضاها يابو النخوه
يلي اكفلتني المن عفتني
محتاره مابين اثنين

زينب اجتك يحسين بالحسره وتهل العين
ومن الهظيمه تشكي الظليمه
زينب اجتك يحسين

يحسين جن خيط وشمع خوتنه ملتحمه اكلوب
والخيط لو مره احترك الشمع من يمه ايذوب
ليش انه وياي الدهر يفتر عكس بالمكلوب
والموت ما مرني اشعجب لا يمي خدر هل الصوب
اصرخ بصوتي اكرب يموتي
عافاني وابعد لاوين

زينب اجتك يحسين بالحسره وتهل العين
ومن الهظيمه تشكي الظليمه
زينب اجتك يحسين

[امير العامري]

بسم الله الرحمن الرحيم
الهم صل على محمد وال محمد
الاخ الفاضل الشاعر الحسيني المبدع (فراس الحلفي ) ابداع مستمر وفقك الله لكل خير وجعل ذلك في ميزان اعمالك فقد ورد مضومن رواية عنهم عليهم السلام من بني فينا بيتا بنى الله له بيتا في الجنة اسال الله ان يبني لك القصور ويزوجك من الحور ..

[فراس الحلفي]

بسم الله الرحمن الرحيم
اللهم صل على محمد واله الطيبين الطاهرين

اشكر مروركم الكريم اخي العزيز(امير العامري ) حشرنا الله واياكم مع محمد وال محمد بحق محمد وال محمد الولاة الميامين