كل ما يشتد بينه الموقف

[فراس الحلفي]

بسم الله الرحمن الرحيم
اللهم صل على محمد وال محمد

كل ما يشتد بينه الموقف نندب يا حيدرنه ونهتف
بأسمك يا حامي الجيران تحضرنه اطفي النيران


كل ما تشتد بينه الحاله نصرخ يا حيدر ننخاك
تحضرنه بهل الساعة الصعبة والموقف اصعب من ذاك
كل لحظه انحس احنه البيهه يسكونه بهل الموت اعداك
بالذر والاصلاب ويانه من ذاك العالم شفناك
واحنه انعرفك والكل يعرف
ماكو اخلافك للحك منصف

اسمك يا نور الايمان تحضرنه اطفي النيران



كل ما يشتد بينه الموقف نندب يا حيدرنه ونهتف
بأسمك يا حامي الجيران تحضرنه اطفي النيران


صعبت كلش يابو الكلفة صعبت والاطفال اتلوع
ملتمه اعداكم يل الوالي هل ملتمه اجموع اجموع
بين النار وبين المذبح وصدور احتركت وضلوع
واعداكم رادت ذلتنه لن حبكم يل الوالي ادروع
واكلوب الاطفال الترجف
طكات الكافر هل تردف

ما ترحم تدري العدوان تحضرنه اطفي النيران

كل ما يشتد بينه الموقف نندب يا حيدرنه ونهتف
بأسمك يا حامي الجيران تحضرنه اطفي النيران

يل حاضر يونس بالماضي يل حاضر نوح وعكوب
يل حاضر هارون وموسى يل كاشف بلوى ايوب
تحضر يا والينه الساعة بس سيفك انت المهيوب
ماتلم الاسلام اشتت واتعيد الحك المغصوب
كل مسلم بالشارع ينزف
مجروح ولا واحد يسعف

يا حيدر ماظل بنيان تحضرنه اطفي النيران

كل ما يشتد بينه الوقف نندب يا حيدرنه ونهتف
بأسمك يا حامي الجيران تحضرنه اطفي النيران

ياحيدر ردناك الساعه تحضر يا حيدر وتشوف
شيعتكم يا حيدر صارت محتاره وما ليهه الخوف
خوف من الظالم واعوانه ومن امريكا الجتنه ازحوف
واتحدواضد هاي الامه غايتهم دين الله انعوف
ابدا لا منعوف ونحلف
والمومن لا ما ظن يخلف

وشما كثرت الاحزان تحضرنه اطفي النيران

كل ما يشتد بينه الموقف نندب يا حيدرنه ونهتف
بأسمك يا حامي الجيران تحضرنه اطفي النيران

لاجن يا حيدر جم واحد محسوب اعله الشيعه شلون
مرضه اكلوب ولاظن عدهه ايمان ولا عدهه عيون
اموال الشعب النهبوهه وبأمر الغازي الملعون
اموال الحجه ويا شيعه هذا المنكر ما تدرون
واعله الحاله شكد نتأسف
كلب الشيعي ما ظن يضعف

والسواها مو انسان تحضرنه اطفي النيران

كل ما يشتد بينه الموقف نندب يا حيدرنه ونهتف
بأسمك يا حامي الجيران تحضرنه اطفي النيران

يا حيدر يا حامي الامه شوصفلك عن هل الاحوال
وصلت يابو اليمه الحاله جم واحد صافح انذال
غروهه اكلوب التعبانه والغرتهم حفنه مال
والاكلف يا حيدر تدري والاكلف لا ماينكال
اعراض الوادم تتكشف
نكطة غيره وبسع تنشف

ازلام وصارت نسوان تحضرنه اطفي النيران

كل ما يشتد بينه الموقف نندب يا حيدرنه ونهتف
بأسمك يا حامي الجيران تحضرنه اطفي النيران







ا