آيوليدي

[فراس الحلفي]

بسم الله الرحمن الرحيم
اللهم صل على محمد وال محمد الطيبين الطاهرين

يا جسام آيوليدي شلون تنام آيوليدي


الولد يبني الصبر ملني وجزاني
يريتك يا أمل عمري تراني
دمه المنحر لمن شفته عماني
عكب عينك كصه دهري رماني
جور الدهربالآهات
ساعاتي اتمر بل الوعات
والألام آيوليدي
شلون تنام آيوليدي

ياجسام آيوليدي شلون تنام آيوليدي

دكوم انهض وحاجيني انه أمك
أريدن يا بعد روحي اكلمك
والم كلبي على كلبك واضمك
احضنك يا ضوه عيوني واشمك
وانحب يابني واجري ادموع
يطلع صوتي وما مسموع
كلبي احتام آيوليدي
شلون تنام آيوليدي

يا جسام آيوليدي شلون تنام آيوليدي

شجاك وما ترد يبني عليه
لون تنظر على حالي سبيه
ردت كبلك تعالجني المنيه
ولا اشوفك على الغبره رميه
ريت الموت بهذا اليوم
يا خذني ولا شفت ادموم
عكلي هام آيوليدي
شلون تنام آيوليدي

يا جسام آيوليدي شاون تنام آيوليدي

شباب وللذبح رايح هضيمه
على الهادي وعلى الوالي اليمه
مصيبته صدك يبني عظيمه
سيوف الحاربت عمك اثيمه
يبني الغالي يا مهيوب
كلبي وياكم هالمصيوب
حزني دام آيوليدي
شلون تنام آيوليدي

يا جسام آيوليدي شلون تنام آيوليدي

دمع عيني يصب يلعن اميه
واظل انحب ولا اهده مسيه
ويظل عمري عكب شخصك اذيه
شكوتي للنبي الهادي ووصيه
وانصب عزاك بكل حين
لجلك يبني ولجل حسين
وبكل عام آيوليدي
شلون تنام آيوليدي

يا جسام آيوليدي شلون تنام آيوليدي

[السر المكنون]

بسم الله الرحمن الرحيم
اللهم صل على محمد وال محمد

بارك الله بكم ووفقكم لكل خير مشاركة جميلة
........ ......... ..........

[فراس الحلفي]

بسم الله الرحمن الرحيم
اللهم صل على محمد وال محمد الطيبين الطاهرين

شكرا لمروركم الكريم اخي العزيز ووفقكم لكل خير بحق محمد وال محمد