قصيده للجرح

[حوراء الموسوي]

بسم الله الرحمن الرحيم
الحمد لله رب العالمين
اللهم صل على محمد وآله الطيبن الطاهرين

نعزي مولانا صاحب العصر والزمان(عجل الله فرجه الشريف)ومراجعنا العظام والأمة الإسلاميه بذكرى شهادة أمير المؤمنين ومولى المتقين علي ابن أبي طالب (عليه السلام)


تغذيت اعلى حبك ياعلي الكرار
ونبت لحمي ابهواك وعظمي بيه اشتد
وبدربك سرت وآنه ادري دربك بيه
مخاطر باليحبك كلها تترصد
تحديت المخاطر همي كله ارضيك
لأن أدري ابرضاك الربي أتودد
(أبوذيه)
___
يحامي الجار ياعزنه وملنه
يبويه الصبر مليناه وملنه
اشلون اتريد تتركنه وملنه
غيرك ياعلي يابو الحميه
___________________

(ثكيله)

الليله اتصوب الكرار ~~~بالكوفه ابمحرابه
وظلت تبجي إنس وجان~~~والأملاك لمصابه
****
ابسيفه الطاغي ابن ملجم صاب المرتضى حيدر
وظلت تبجي إنس وجان لجله وكل ملك كبر
وكل شيعي وموالي اعليه كلبه انفجع واتفطر
وسافه ابن المرادي اليوم ~~~دين المصطفى صابه
****
ابن ملجم ابيوم الصاب راس المرتضى الكرار
اكلوب الشيعه صوبها وهد دين النبي المختار
وخله كلشي ابهالكون يبجي الهالمصاب الصار
وديوان الكرم والجود~~~ وسفه سدد ابوابه
****
ياحال العقيله اشلون لمن هالخبر جاها
ظلت تلطم اعلى الراس واتهل دمع عيناها
تبجي واتون والأملاك كلها تون وياها
ولمصابه بكت نيران ~~~وسط الكلب لهابه
****
بكلب ام الحزن زينب ظلت تلهب النيران
وتصرخ بويه يالوالي واتهل الدمع غدران
والله كطعت كلبي بمصابك يعالي الشان
وكامت تلطم اعلى الراس ~~~لمن شافت اصوابه
****
شافت طبرته وشافت شيبه بالدمه امخضب
صاحت كبل راسك ريت راسي ياعلي اتصوب
ياوسفه يبو الحسنين يالسيفك شطر مرحب
تتركنه ينور العين ~~~كبل العيد يايابه
_________________________________
**نعي**
يبويه اليوم جنك ناوي اتروح
يريت اوياك كلنا ياعلي انروح
يحامي الجار كلبي اعليك مجروح
ودموع العين لمصابك جريه
***
يبويه الصوبك صوب دليلي
يبويه ونتك هدمت حيلي
يريت الموت ياحيدر يجيلي
وتظل سالم يحماي الحميه
***
يبويه العمر مااريده بلياك
دكلي الكلب شيصبره اعلى فركاك
يريت اعيوني تغمض كبل عيناك
ومنك لاشفت دارك خليه

[فراس الحلفي]

بسم الله الرحمن الرحيم
اللهم صل على محمد وال محمد الطيبين الطاهرين

اعظم الله اجورنا واجوركم بمصاب سيد الوصيين ويعسوب الدين وامام المتقين امير المؤمنين سلام الله عليه


قد زلـــــــزل الارض و العلياء بركانا = في ليلة القدر عـمّ الدهر احزانا
يا ليلـــــــة دوّت الدنيــــــــــا وقائعها = واستوقد الحزن في الاكباد نيرانا
ان المصــــــائب ان دارت دوائـــرها = هيهــات تبقي بدور الحزن ظمأنا
في ليلـــة القدر رأس الحق مختضبٌ = قد مات خير الورى والكون ايمانا
يا ضــــربة ً عمّت الارجاء نكبتهــــا = كأنـّما هــــدّمت لــــلدين اركــــــانا
هو الامــــام امــــــام الخلق اجمعــهُ = هو الشهيــــد لـــــــدين الله عنوانا
مــــاذا اقـــــول و بيت الله مولـــــدهُ = هــــذا علـيٌّ وليـــــد البيت قد كانا
اذ كان في كنف المختـــار نشــــــأتهُ = فهل يدانيــــه عند الفخـــر انسانا
ابا تراب وهل في الــــدهر معجـــزة ٌ = يا آيـــة الله بعـــد الذكــــر آتـــانا
يرتج سوح الوغى لو طل مقـــــدمهُ = انبائـــه اذهل الاعــــداء ازمـــــانا
في خيبر عصبة الفرسان قد عجزوا = فك الحصون ولاح النصر خسرانا
نادى النبــيّ إلآم الصبـــــــــر يقتلنا = نادوا علياً يسوق العــــــز تيجانا
هز القلاع و اجلى البـــــاب معصمهُ = وبــات يزهو على التاريخ عدنانا
اذ ابلج الفجــــر عن تدمير قلـــعتهم = اضحت ترابا و دين الله سلطـــانا
لم يعـــرف الحق الا المرتضى رجلاً = بعد النبـــيّ على الارجــــاء فرقانا