¤خلصوني¤

بسم الله الرحمن الرحيم
اللهم صل على محمدوآل محمد.
ﻣﻮ ﺭﺍﺡ ﺃﻣﻮﺕ ﻣﻦ ﺍﻟﻌﺸﻖ
ﻛﻞ ﻟﺤﻈﺔ ﺃﻋﻮﻓﺔ ﻧﺤﺘﺮﻕ
ﺍﺗﻤﻨﻰ ﺍﻃﻮﻑ ﺑﺤﻀﺮﺗﻪ
ﻣﺜﻞ ﺍﻟﺤﻠﻢ ﺑﺲ ﻣﻦ ﺻﺪﻕ
...
ﻭﺩﻭﻧﻲ .. ﻟﺤﻴﺪﺭ ﻋﻠﻲ ﻭﺩﻭﻧﻲ
ﻣﺸﺘﺎﻗﻪ ﺷﻮﻓﻪ ﻋﻴﻮﻧﻲ
ﺍﻭﺻﻞ ﺍﻟﻪ ﺧﻠﻮﻧﻲ
ﺻﺪﻗﻮﻧﻲ .. ﻣﺤﺘﺎﺝ ﺍﻟﻪ ﺻﺪﻗﻮﻧﻲ
ﺷﻠﻮﻥ ﺍﻭﺻﻠﻪ ﻋﻠﻤﻮﻧﻲ
ﻣﻦ ﻓﺮﻛﺘﻪ ﺧﻠﺼﻮﻧﻲ
...
ﻗﺎﻟﻮ ﺻﻌﺐ ﺩﺭﺑﻪ .. ﺷﻜﺮﺍ ﻗﻠﺖ
ﻫﺎ ﻳﺎﻋﻠﻲ ﻭﻳﻨﻚ .. ﻳﻤﻚ ﺭﺩﺕ
...
ﻭﺩﻭﻧﻲ .. ﻟﺤﻴﺪﺭ ﻋﻠﻲ ﻭﺩﻭﻧﻲ
ﻣﺸﺘﺎﻗﻪ ﺷﻮﻓﻪ ﻋﻴﻮﻧﻲ
ﺍﻭﺻﻞ ﺍﻟﻪ ﺧﻠﻮﻧﻲ
ﺻﺪﻗﻮﻧﻲ .. ﻣﺤﺘﺎﺝ ﺍﻟﻪ ﺻﺪﻗﻮﻧﻲ
ﺷﻠﻮﻥ ﺍﻭﺻﻠﻪ ﻋﻠﻤﻮﻧﻲ
ﻣﻦ ﻓﺮﻛﺘﻪ ﺧﻠﺼﻮﻧﻲ
ــــــــــــــــــــــــــــــــــــــــــــــــــ ـــــ
ﺧﻴﻂ ﺍﻟﻌﻤﺮ ﺟﺎﺳﻪ ﺍﻟﺪﻣﻊ
ﻭﺑﻼ ﺿﻮﺍ ﻣﺮ ﺍﻟﺸﻤﻊ
ﺭﺍﺡ ﺍﻧﻄﻔﻲ ﻭﻳﻨﻚ ﻋﻠﻲ
ﺻﺮﺕ ﺍﻧﺎ ﻳﺎﺩﻭﺏ ﺍﻧﺴﻤﻊ
...
ﺣﺎﺟﻴﻨﻲ .. ﻛﻠﻤﻪ ﺭﺿﺎ ﺣﺎﺟﻴﻨﻲ
ﺑﻬﺎﻟﺤﺎﻟﻪ ﻻ ﺗﺨﻠﻴﻨﻲ
ﻳﺎﻟﻨﻈﺮﺗﻚ ﺗﻜﻔﻴﻨﻲ
ﻧﺎﺳﻴﻨﻲ .. ﺧﻞ ﺍﻟﺰﻣﻦ ﻧﺎﺳﻴﻨﻲ
ﺑﺲ ﻉ ﺍﻟﺼﺒﺮ ﺩﻟﻴﻨﻲ
ﻣﻦ ﻏﻴﺮﻙ ﻳﺮﺍﻋﻴﻨﻲ
...
ﻳﺎﺣﺴﺮﻩ ﻋﻴﻮﻧﻲ ﻟﺬﺍﻙ ﺍﻟﺪﺭﺏ
ﺣﺮﻗﺘﻨﻲ ﺍﺷﻮﺍﻗﻲ ﻭﺣﺮ ﺍﻟﻘﻠﺐ
...
ﺣﺎﺟﻴﻨﻲ .. ﻛﻠﻤﻪ ﺭﺿﺎ ﺣﺎﺟﻴﻨﻲ
ﺑﻬﺎﻟﺤﺎﻟﻪ ﻻ ﺗﺨﻠﻴﻨﻲ
ﻳﺎﻟﻨﻈﺮﺗﻚ ﺗﻜﻔﻴﻨﻲ
ﻧﺎﺳﻴﻨﻲ .. ﺧﻞ ﺍﻟﺰﻣﻦ ﻧﺎﺳﻴﻨﻲ
ﺑﺲ ﻉ ﺍﻟﺼﺒﺮ ﺩﻟﻴﻨﻲ
ﻣﻦ ﻏﻴﺮﻙ ﻳﺮﺍﻋﻴﻨﻲ
ــــــــــــــــــــــــــــــــــــــــــــ
ﺳﻴﺮ ﻋﻠﻰ ﻗﻠﺒﻲ ﺍﻟﻮﻓﺎ
ﻧﻌﺴﺎﻥ ﻳﻢ ﺑﺎﺑﻲ ﻏﻔﺎ
ﻣﺸﺘﺎﻕ ﻭﻳﺮﺩﺩ ﻋﻠﻲ
ﻇﻞ ﻳﺤﺘﺮﻕ ﻟﺤﺪ ﻣﺎ ﻃﻔﻲ
...
ﺭﺣﻤﻮﻧﻲ .. ﺳﺎﺋﻞ ﻋﻠﻲ ﺭﺣﻤﻮﻧﻲ
ﻳﺎﻟﺮﺍﻳﺤﻴﻦ ﺧﺬﻭﻧﻲ
ﻭﺍﻟﻌﺘﺒﺘﻪ ﻭﺻﻠﻮﻧﻲ
ﻋﺎﻓﻮﻧﻲ .. ﻛﻞ ﺍﻟﻤﺸﻮ ﻋﺎﻓﻮﻧﻲ
ﺣﺎﻳﺮ ﻭﺍﻋﻴﺶ ﻇﻨﻮﻧﻲ
ﺍﺗﻤﻨﻰ ﻣﺎ ﻳﻨﺴﻮﻧﻲ
...
ﻋﺎﺷﻖ ﺃﻣﻴﺮ ﺍﻟﻨﻮﺭ ﺑﺲ ﻣﺎ ﺷﻔﺖ
ﻟﺤﻈﺔ ﺿﻮﺍ ﺑﺪﻧﻴﺎﻱ ﻻ ﻣﺎ ﻋﺸﺖ
...
ﺭﺣﻤﻮﻧﻲ .. ﺳﺎﺋﻞ ﻋﻠﻲ ﺭﺣﻤﻮﻧﻲ
ﻳﺎﻟﺮﺍﻳﺤﻴﻦ ﺧﺬﻭﻧﻲ
ﻭﻟﻌﺘﺒﺘﻪ ﻭﺻﻠﻮﻧﻲ
ﻋﺎﻓﻮﻧﻲ .. ﻛﻞ ﺍﻟﻤﺸﻮ ﻋﺎﻓﻮﻧﻲ
ﺣﺎﻳﺮ ﻭﺍﻋﻴﺶ ﻇﻨﻮﻧﻲ
ﺍﺗﻤﻨﻰ ﻣﺎ ﻳﻨﺴﻮﻧﻲ
ـــــــــــــــــــــــــــــــــــــــــــــــ
ﺿﺎﻳﻊ ﻋﻠﻰ ﺃﻧﻔﺎﺱ ﺍﻟﻬﻮﻯ
ﺗﺎﻳﻪ ﻣﻦ ﺟﺮﻭﺡ ﺍﻟﺪﻭﺍ
ﻳﺎﻟﺒﻴﺪﻙ ﺗﺮﺩ ﺍﻟﺸﻤﺲ
ﻃﻮﻗﻨﻲ ﺑﺠﻔﻮﻓﻚ ﺿﻮﺍ
...
ﻋﺎﻣﻴﻨﻲ .. ﺑﻌﺪﻙ ﻋﻠﻲ ﻋﺎﻣﻴﻨﻲ
ﺩﻡ ﻳﺎﻋﻠﻲ ﻣﺒﺠﻴﻨﻲ
ﻳﺎﻋﺸﻖ ﻏﺎﻓﻲ ﺑﻌﻴﻨﻲ
ﻳﻼﻗﻴﻨﻲ ..ﻣﺎﺷﻮﻑ ﺍﻟﻴﻼﻗﻴﻨﻲ
ﺣﺒﻚ ﻋﻠﻲ ﻣﺨﻠﻴﻨﻲ
ﻣﺎﺷﻮﻑ ﺍﻟﻴﻼﻗﻴﻨﻲ
...
ﺣﺐ ﻟﻸﺑﺪ ﻳﺎﺭﻭﺡ ﺣﺐ ﺍﻟﻌﻠﻲ
ﻗﻠﺒﻲ ﺍﻟﻚ ﻣﻜﺘﻮﺏ ﺃﻧﺖ ﺍﻟﻮﻟﻲ
...
ﻭﺩﻭﻧﻲ .. ﻟﺤﻴﺪﺭ ﻋﻠﻲ ﻭﺩﻭﻧﻲ
ﻣﺸﺘﺎﻗﻪ ﺷﻮﻓﻪ ﻋﻴﻮﻧﻲ
ﺍﻭﺻﻞ ﺍﻟﻪ ﺧﻠﻮﻧﻲ
ﺻﺪﻗﻮﻧﻲ .. ﻣﺤﺘﺎﺝ ﺍﻟﻪ ﺻﺪﻗﻮﻧﻲ
ﺷﻠﻮﻥ ﺍﻭﺻﻠﻪ ﻋﻠﻤﻮﻧﻲ
ﻣﻦ ﻓﺮﻛﺘﻪ ﺧﻠﺼﻮﻧﻲ
...
لاأعرف شاعرها لكنها تعجبني جدآ...

[المواليه]

بسم الله الرحمن الرحيم
اللهم صل على محمد وال محمد
*****ابيات رائعه فعلا سلمت يداكِ*****
صراحه راقت لي هذه الابيات حبيت اشارك بها ...واعتذر على الاطاله..
بعث الاله الى الانام محمد واتمها بخلافة المولى علي
وتنزل القرأن عند محمد وكمال تأويل الكتاب غدا علي
والى معاريج السماء محمد يرقى فيلقى عند سدرتها علي
ويقيم صرحا للجهاد محمد من ذا الذي صرع العتات سوى علي
في خندق الاحزاب ناد محمد من ذا لعمر فان...برى يمضى علي
...وكذلك في احد اصيب محمد فرى الجميع وكان كرارا علي
فلرحمة الباري علينا محمد والصدمة الكبرى على الاعداء علي
ومدينة العلم العظيم محمد والباب للصرح المبين غدا علي
فاعلم لواء الحمد باسم محمد ونراه في يوم القيامة مع علي
والحوض يوم الورد ملك محمد لكن ما الساقي عليه غدا علي
واتم بالايمان دين محمد وبها تسما يوم خندقهم علي
اعطى الهي كوثرا لمحمد من زوج الطهر البتول سوى علي
ويحج في بيت الاله محمد او ليس من بيت الاله اتى علي
والجنة المثلى لدين محمد لكن بشرط دخولها تهوى علي
والنار ما خلقت وحقى محمد الا لفصل الحاقدين على علي
والجنة والنار قدمت لمحمد وقسيمها يوم الحساب غدا علي
وعلي يدعو ربه بمحمد ومحمد يدعو بحق اخيه علي

[فراس الحلفي]

بسم الله الرحمن الرحيم
اللهم صل على محمد وال محمد

سألني واحد بمجلس عندي مسألة محيرة

علي شدعوه تقدسونة وليش الشيعة اتكبره

كلتلة اسمع اذا فعلا تريد العدل واتدوره

واذا انت صحيح تريد تندل دربك تبصره

وتخلص نفسك بفد يوم كلمن مبتلي بوزره

راح انقلك الكتبوه ربعك وانت روح اقره

ولو شنقلك من اثار من بحر الوصي قطرة

لان محد كدر لليوم يعرف حيدر يحزرة

اسمعت انت بحياتك هاي واحد يحسب المطرة

جم كطرة مطر لللكاع نزلت روت البذرة

منين ادخل لابو الحسنين كل بيبانه امزخره

علي الينطق حروفه ايحس كل اعضاءة متبشرة

علي بساق العرش مخلوق من قبل الخلق غره

محمد نورة من الله وعلي من النبي نوره

ومن نوره تشعشع نور منه فاطمة الزهرة

ومن نور البتول انشق نور المجتبى شبره

ومن نور الحسن لحسين تسع انوار للعتره

لاجلهم خلق هذا الكون بسماه وارضة وابحره

علي شمس الضحى التجلي الظلام وبسمته الكمرة

علي كبل الخلق بالذر عطر شيعته ابعطره

انعرض حبه على الاشباح والارواح متحضرة

وسجل كلمن ايحبه وعرف منهو اللي ينكره

ومن قرر اله الكون يخلق ادم يصورة

علي نورة ابصلب ادم نطفه طاهرة مطهرة

علي لاجله ولاجل الانوار امر الباري ايصدره

امر تسجد ملائكته لان نورك علي ابظهرة

ولمن غره الشيطان هوة وصوته ابمكره

نهاهم ربهم وكلهم كلو من حيث شئتم ولا تقربوا هالشجرة

عصة وعصيان ما مقصود امر الباري يكسره

علي ادم توسل بيه الربه ذنبه ايغفرة

تقبل توبته الباري بشفاعة حيدر ايعذره

علي عين بسفينة نوح بظلام وموج امبحره

علي الطوفان كله صده ابصدره

علي هوة الوقه ابراهيم من نيران مستعره

علي يونس ابطن الحوت يندبه وما نسه ذكره

علي بجف السكندر سيف بيه حملاته منتصرة

علي عصا موسى القهرت السحرة

علي شك البحر نصين حتى موسى ايعبره

ولمن شاف نار وكال لاهله تظل تنتظره

علي نورك وصل ضيه وتعنى موسى لطوره

علي لوما علي مريم لهذا اليوم تبقى معسره

لجن ندبت علي احضرني اليندبك ياعلي اتحضره

حضر مريم بشدتهة وامرها سهل ويسره

وعلي لسان المسيح البرء العذره

اذا ما شاء رب البيت مريم تولد ابديرة

وامرها تترك المحراب ومنه تنتبذ بره

امك ياعلي بالبيت موش بيمنته ويسره

فتحلك باب بالكعبه وامك فاطمة اتطره

بوسط بيت الحرام يريد انت تشرفه واتطهره

مارادك تحط بكاع بيه ذنوب مطشره

ولا رادك تحط بكاع بأرجاس البشر قذره

شرك واصنام والاثام تحيط بمكه منتشره

وظلت بت اسد وياه ثلث تيام بالحضرة

ضيفة بحضرة الرحمن ومن جناته السفره

بنت مزاحم وكلثم وسارة ومريم تحضره

علي ميلاده بالكعبه ورب البيت بيه ادره

من هاي الخلك كلهة ليش اختاره لسره

علي اشرف بقاع الكون صارت بيه مفتخره

علي سماه رب البيت من جابه على صدره

ابو طالب يصيح بصوت لن لوحة اجت خضرة

وبخط العلي العالي عليها انكتب بالقدره

انا الاعلى وعلي اشتقيته من اسمي اليحبني بكلبه ايحفره

وعلي ما واحد تسمه بهذا الاسم من عصره

علي اسمه ولي الله ايه من السما كبرى

علي خصه القوي بقوته وبيها الناس متحيره

عن المهد بينهة وكلمن شافه اتبهرة

لو هيس رسول الله اجاه المهد اينظره

ايتحفظ بالمهد حيدر يكطع اكماطه ويشمره

يمد ايده لرسول الله يريده ايشيله لصدره

علي خير الخلق رباه محمد كبره ابحجره

بيده يوكله ويشربه ويغمض عينه ويدثره

زفير المصطفى يشهكة وشهيق المصطفى عطره

علي حارس رسول الله بست اسنين من عمره

علي اول رجل امن بنور المصطفى وفكره

جمع كل العشيرة بيوم الهم من كشف سره

ينذرهم يصيح ابصوت ما واحد بده اينصره

علي اللي كال عد عيناك شنهو اتريده الك يجره

علنها المصطفى للكوم اجاه جبريل وايبشره

واختاره النبي من الله وصيه ووارثة وصهره

علي هوه الشره بروحة وافده المصطفى بعمره

على فراش المنية ينام ما خاف وحزن ذرة

وذاك وية النبي وبالغار خايف خنكته العبره

انبنه الاسلام بتلاثه بعلي ةفقاره المشهره

وخديجة النفقت الاموال لخدمة دينه اتوفره

وابو طالب كفل الاسلام مجرد بس بقة ذكره

علي بسيفة بقة القرأن بعترته وهيبته وصبره

ابدر صولاته معروفة وسيفة ماثنى الطبره

علي بالخندق تحدى بطل معروف اله شهره

كام يصيح بيهم صوت والاصحاب متكتره

انبح صوتي(الامن فارس يبرز) كلها تخاف من شره

علي هوة علي الجاوب وغيره منهو اللي يقهرة

رفع ايده النبي يدعوا لخيه ويزفر الحسرة

نزل الايمان كله للشر كله اريدك ربي اتنصره

بألف فارس يعدونه وعلي بعمر الورد عمره

يكر مثل الاسد صوبه يصده اثعولت غبره

هناك انجلت لن حيدر اسد رايض على صدره

حز راسه بذي الفقار وجابه شاله من شعره

وخيبر واقعة تشهد خبرها للخلك عبره

حديث الراية هم يحتاج احنه نبينه وانذكره

ماواحد كدر لليوم من الاجماع اله ينكره

لان كال الرسول بيوم بيه الاصحاب منكسره

بعد مارد عمر مهزوم والنسوان اله تعيره

يجبن قومه ويجبنوه ويريد النبي ايعذره

غدا هالراية اعطيها الرجل ماينهزم مره

رجل كرار مو فرار ودوم النصر ليه يبره

الله والنبي يحبوه وحبهم هوة بالفطره

سهروا ليلهم الاصحاب وانتظرو يطر فجره

واجو يم النبي مغبشين مشتاكين للبشرى

لجن شال النبي شوفة يدور عالذي يأمره

نشدهم وين ابو الحسنين شنهو اللي علي يأخره

كالولة رمد بالعين امر اصحاب اله تحضرة

من جابوه يكودونة شافه وهوة بيه ادرى

راد ايعرف الاصحاب ويأكد علي ذخره

مسح بيده الشريفة العين من الصابهة تبره

سلم رايته لحيدر وبيه الراية متبشرة

لحصن خيبر كصد ملهوف موعد عده وي نصره

سمع مرحب يصيح بصوت يريد غروره ايضهره

برزلة المايهاب الموت وكر عليه فد كرّه

لجن مرحب ضرب بالسيف درعه بخوف ويكسره

ذبه وهاج صوب الباب مثل الريح المزجرة

قلع باب لحصن سواه درعه براحته يفره

من شافه قلع هالباب ظل يتراجف بذعره

كر اعليه ابو الحسنين بذي الفقار ويطبره

من راسه نزل سيفه لعد السرج ويشطره

شطرين انشطر مرحب يمنته تعادل اليسره

بس الفرس ظل من طاح ونصل السيف شك ظهره

صاح الجيش كله بصوت للرحمن ويكبره

راد يعبر جيوشة حط باب الحصن ويعبره

ماسد فتحت الخندق يكمله ذراعه لمشمره

وعلى جفه عبر جيشه ويهود الحصن مندحره

فتح خيبر ورد مهيوب كاصد للنبي ايبشره

شجاعة حيدر ايه وبالقرأن منذكره

محد كدر يوصفه لون كل الحجي شعره

علي حلمه علي علمه علي يصق بأمره

علي بسابع سمه زفوه البت المصطفى الزهرة

علي بيه(هل اتى) نزلت لمن اوفى بنذره

علي القرأن والقران ياهو اليكدر يفسرة

علي نقطة لبحرف الباء بيه البسمله تقره

علي هوة الصراط المستقيم الحبّه ايعبره

علي حبه التمسك بيه من اعداءة يتبره

علي هوة قسين النار والجنة وكل خزائنها بامره

علي بكلب النجيب انهار يجري حبّه بالفطرة

علي بشريان كل مؤمن يغذي روحه وفكره

بس ابن الزنى ايبغضة ومنافق نطفته قذرة

علي لتظن شريف بيوم لو كطعوه منه يتبره

لان حبك علي من الله فرض مفروض ومقدره

لان حبك علي لله شحده اليكدر يوخره

لان حبك لدين الله ونبيه وشرعته الغرة

لان انت تحب الاسلام والايتام والفقره

لان دومك لكل مضلوم تاخذ حقه وتنصره

لان حتى اليحملون العرش يمهم الك حضره

من طلبو يشوفونك ملك من نور سواه العزيز بشكلك مصوره

صدّك لو كلتلك هاي من دوحة علي زهرة

هسة اعرفت يامسكين ليش الشيعه اتوقره

مو بس شيعته توقره كل مؤمن علي ايقدره

اذا تشك بخبر تكدر تروح بنفسك ادوره

علي واضح وما مضموم ولا محتاجنه نكبره

علي القرأن شما رادو ياولونة تظل اياته منووورة

علي الباري تعهد بي يحفظ نهجه وذكره

علي اليحفظه الرحمن يكدر واحد يضره

كلي لون بيت الله كل الوادم تهجره

هم يكدر بشر فد يوم يكول القبله متغيره

انصحك لاتظل اعمه واخذ من هالحجي عبره

ولا تبقه وره العافوا اللب وبس اخذ كشره

وبس لحية طويلة الدين عنده وثوبه امكصره

ورب العرش يعصونه ويطيعون ابو مره

يجذبون النبي المرسل ويصدكون ابو هرة

وابن عازب وابن حطان وابن معيط وبسمره

رسول الله حديثه منين مو جبريل اللي يخبره

والقران يامرهم يطيعون النبي وامره

عجيبه هالبشر والله هيجي كلوبهم صخره

متعجبه شلون اصحاب وتالي للنبي اتغدره

ضرب النا العزيز امثال بالقران مسطره

مو سبعين الف تبعوا الموسى وصدكو امره

طلبوا منه يشوفون رب هذا الخلق جهره

من سبعين الف موسى اخذ من كل الف عشره

والنوب السبعميه غربلهم بعد مره

صفوا سبعين اجو وياه للميقات تنتظره

عود اختار خيرتهم والايمان مختبره

راح ووصه هارون وزيره وبيه شد ازره

مجرد غاب عنهم يوم تبعوا سامري ومكره

من اللحي اللبسوها عجل سواه ومصورة

عليه عكفوا يعبدونة ووصيه خالفوا ذكره

حجة رادو يكتلونة ضعيف وما اله قدره

هذولة الصاحبوا موسى تكدر هالحجي تنكره

وعيسى من حواريه يهوذا الدمه يهدره

شافوا معجزاته اشكال احيه الميت ابكبره

يشفي الابرص بأيده والاكمه لو وصل يبره

نفس اصحابه غدرو بيه حفروله بمكر حفره

يهوذا الوشه يصلبونه والباقين تتبره

حواريين طلابيه وتالي انجيله اتزوره

كل هذا الحجي اتصدكوه وتومنون بيه يجره

ومن توصل لابو الحسنين ترتجفون من ذكره

تجذبون الجرة والصار ومن الاصحاب والزمرة

وكل الكتبوا التاريخ بروايات معتبره

كلهم اجمعوا الاصحاب ظلموا فاطمة الزهره

سلبوها فدك كوة وضلعهة ابابه ايكسره

اختم هالكلام وياك بحديث النبي اللي تقره

اني تارك فيكم الثقلين كتاب الله والعتره

جاليش اليكول الحق اهل الباطل تقهره

ليش التبع اهل البيت اهل البدع اتكفره

ماكدروا علي يخطؤك لازله ولا عثره

ظلت نار غيرتهم عالاسلام متجمره

لان انت العدل والحق وجيش البطّل الكثره

كل هذا وبقيت وياه وهوة الظل الك يبره

يدور وياك حيث اتدور وابد مافاركك ذره

علي انت مع القران والقران بيك اياته متفسره

علي دربك هدى وايمان وكل دروبهم وعره

علي نبعك عسل صافي فاز الغرف من نهره

الهذا السبب والغيره نودك ياابو الحورة

تظل انت سفينتنه وللرحمن هية مبحره

وابد ماحيد عن نهجك لون وذروني الف وذرة

زلك كل المعابر ذيج بس من يمك العبره

لون اكظي العمر كله اكتبه اشعار الك واقره

وعودان الشجر اقلام ومياه الارض حبره

متيقن انه وادري تظل اشعاري مقصره

فحول الشعر كبلي هواي ظلت بيك متحيره

بجيحة مطر ما كيش افوج اشلون انه ابحره

دخيلك ياعلي الكرار بيك رويحتي خضره

صيغت الك من ورد حبك مجرد فاح بس عطره

وغرفة من نبع حبك اضّوكة الماعرف سحره

يهلبت من ارشه بماي كلب الناصبي ايطره

يهلبت هالقفل ينفك ولله ينشرح صدره

يهلبت هالغشاوة تروح من عيونه تتهره

حتى مايظل تايه بظلمة والدرب وعره

وكل خطوة تزل جدمه ويعثر بيه الف عثره

هذا القصد يامولاي وانت بنيتي ادره

عليك بجف ابو فاظل ورضيع حسين وبنحره

تقبل مني اشعاري حشاك السائل تنهره

وارجوا بيهة تشفعلي بيوم الحشر والحسره

وادري اللي يتوسل بيك انت تكرمه وتعذره

[طالبة]

ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻝ
ﻣﺤﻤﺪ
*****ﺍﺑﻴﺎﺕ ﺭﺍﺋﻌﻪ ﻓﻌﻼ ﺳﻠﻤﺖ
ﻳﺪﺍﻙِ*****
ﺻﺮﺍﺣﻪ ﺭﺍﻗﺖ ﻟﻲ ﻫﺬﻩ ﺍﻻﺑﻴﺎﺕ
ﺣﺒﻴﺖ ﺍﺷﺎﺭﻙ ﺑﻬﺎ ...ﻭﺍﻋﺘﺬﺭ ﻉﻟﻰ
ﺍﻻﻃﺎﻟﻪ
أنرت إيتها المباركة الصالحة
جعلك الله من موالي علي بحق علي على الله.صراحة أنا ارددها لأنها فعلا تروق لي وتزيل الهم عندما أستمع لها.

[طالبة]

ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻝ
ﻣﺤﻤﺪ
المبارك:فراس الحلفي:قصيدتك خيالية جدآ هنيئا لك هذه الخدمة.

[فراس الحلفي]

بسم الله الرحمن الرحيم
اللهم صل على محمد وال محمد

اعتذر اختي الكريمة هذه القصيدة لم تكن من كتاباتي ارجو المعذرة مرة اخرى

[طالبة]

ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻝ
ﻣﺤﻤﺪ
ﺍﻋﺘﺬﺭ ﺍﺧﺘﻲ ﺍﻟﻜﺮﻳﻤﺔ ﻫﺬﻩ
ﺍﻟﻘﺼﻴﺪﺓ ﻟﻢ ﺗﻜﻦ ﻣﻦ ﻛﺘﺎﺑﺎﺗﻲ
ﺍﺭﺟﻮ ﺍﻟﻤﻌﺬﺭﺓ ﻣﺮﺓ ﺍﺧﺮﻯ
لاتعتذرفأنت لم تفعل خطأ
أشكرسعة صدرك ولطافتك الطيبة وأن دل
هذا يدل على أنك متواضع إلى درجة كبيرة جدآ.