طبعﺍﻟنســــــرطبعي

ﺑﺴﻢِ رب الحسين
ﺍﻟﻠﻬُﻢَّ ﺻَﻞِّ ﻋَﻠَﻰ ﻣُﺤَﻤَّﺪٍ ﻭَﺁﻝِ محمد.
ﺍﻷﺩﻳﺐ ﺍﻟﺤﺴﻴﻨﻲ
ﺟﺎﺑﺮ ﺍﻟﻜﺎﻇﻤﻲ
ﺣُﺴﻴﻨﺎٌُ ﻭﺁ ﺣﺴﻴﻨﺎﻩ
ﻣﺜﻞ ﻃﺒﻊ ﺍﻟﻨﺴﺮ ﻃﺒﻌﻲ ﺃﻃﻴﺮ
ﺃﺑﻬﻴــــﺒﺔ ﺍﻟﺠﻨﺤﻴﻦ
ﻭﺣﺲ ﻳﺘﻜﺴﺮ ﺃﺟﻨﺎﺣﻲ ﻣﻦ ﺃﺫﻛﺮ
ﻣﺼﺎﺏ ﺃﺣﺴﻴﻦ
ﺣُﺴﻴﻨﺎٌُ ﻭﺁ ﺣﺴﻴﻨﺎﻩ
*****************************
ﺣﺠﺐ ﻏﻴﻢ ﺍﻟﻜﺪﺭ ﺷﻤﺴﻲ
ﻭﻋﻠﻲّ ﻭﺟﻪ ﺍﻟﺼﺒﺎ ﺃﻇﻠﻢ
ﺃﺑﺎﺕ ﻭﺣﺴﺮﺗﻲ ﺑﺼــﺪﺭﻱ ﺍﻟﺠﺒﻞ
ﻣﻦ ﻋﺪﻫﺎ ﻳﺘﻬﺪﻡ
ﺳﺤﺎﺑﺔ ﻋﻴﻨﻲ ﻋﻠﻮﺟﻨﻪ ﻏِﺪﺍﺓ
ﺗﻤـــــﻄﺮ ﺩﻣﻮﻉ ﻭﺩﻡ
ﺣﺰﻳﻦ ﻭﺻﺒﺮﻱ ﻳﻌﺼﻴﻨﻲ
ﻭﻳﻄﺎﻭﻋﻨﻲ ﻣﺮﺍﺭ ﺍﻟﺒﻴﻦ
ﺣُﺴﻴﻨﺎٌُ ﻭﺁ ﺣﺴﻴﻨﺎﻩ
*****************************
ﻳﻮﺻﻔﻮﻟﻲ ﺍﻟﺼﺒﺮ ﻭﺃﻧﻪ ﺃﺩﻭﺭ
ﻋﻠــــﺼﺒﺮ ﻣﺎ ﺻﺢ
ﺗﻬﺪﻡ ﺳﺎﺗﺮ ﺃﺟﻔﻮﻧﻲ ﻭﺩﻣﻌﺘﻲ
ﺃﻋﻠﻪ ﺍﻟﻮﺟﻦ ﺗﺴﻔﺢ
ﻋﻠﻰ ﺇﻟﻲ ﺃﺧﻮﺗﻪ ﻭﮔﻮﻣﻪ ﻭﺑﻨﻴﻨﻪ
ﺑﺨـــﻄﺔ ﺍﻟﻤﺬﺑﺢ
ﻳﺸﺎﻫﺪﻫﻢ ﺟﺜﺚ ﺻﺮﻋﻰ ﺿﺤﺎﻳﺎ
ﺗﻨﺎﺛﺮﻭﺍ ﺻﻮﺑﻴﻦ
ﺣُﺴﻴﻨﺎٌُ ﻭﺁ ﺣﺴﻴﻨﺎﻩ
*****************************
ﺗﻔﺮﻕ ﺷﻤﻠﻪ ﻭﺗﻮﺯﻉ ﺑﻴﻦ
ﺍﻟﺸــــــﺎﺭﺓ ﻭﺍﻟﻤﻨﺤﺮ
ﻭﺑﻴﻦ ﺃﻣﻮﺍﺝ ﺧﻴﻞ ﺃﻋﺪﺍﻩ ﻳﻈﻞ
ﻭﺣﺪﻩ ﺃﺑﻮ ﺍﻷﻛﺒﺮ
ﺗﺘﻌﺎﺻﻒ ﺭﻳﺎﺡ ﺍﻟﻤﻮﺕ
ﻭﻳﺘــــﻼﻓﻊ ﻫﺠﻴﺮ ﺍﻟﺤﺮ
ﻭﺣﻴﺪ ﺃﺳﺘﻮﺣﺪﻭﻩ ﺍﻟﮕﻮﻡ ﺣـــﺎﻳﺮ
ﻳﺘﺘﺠﻪ ﻻﻭﻳﻦ
ﺣُﺴﻴﻨﺎٌُ ﻭﺁ ﺣﺴﻴﻨﺎﻩ
*****************************
ﻏﻴﺮ ﺍﻟﺴﻴﻒ ﻣﺎ ﻋﻨﺪﻩ ﻣﻨﺎﺻﺮ
ﺑﺎﻟﻮﻏﻰ ﺃﻳﻨﺼﺮﻩ
ﺭﻣﻮﻩ ﺃﺑﺴﻬﻢ ﺍﻟﻤﺜﻠﺚ ﻭﺗﻜـــﻮﺭ
ﻣﻦ ﻇﻬﺮ ﻣﻬﺮﻩ
ﻭﮔﻊ ﻭﮔﻌﺖ ﺃﺧﻮﻩ ﺇﻟﻲ ﻭﮔﻊ ﻣﻦ
ﻋﺼﺮﻭﺍ ﺍﻟﺰﻫﺮﻩ
ﻣﺎ ﺃﺷﺒﻪ ﺃﻣﺲ ﺑﺎﻟﻴﻮﻡ ﻭﺟﻤﻌﺖ
ﻛﺮﺑﻠﻪ ﺃﻣﺼﺎﺑﻴﻦ
ﺣُﺴﻴﻨﺎٌُ ﻭﺁ ﺣﺴﻴﻨﺎﻩ
*****************************
ﻭﮔﻊ ﺿﺎﻣﻲ ﻭﺟﻤﺮ ﮔﻠﺒﻪ ﺃﻧﺘﻘﻞ
ﻣﻦ ﮔﻠﺒﻪ ﻟﺨﻴﺎﻣﻪ
ﺑﺤﻮﺍﻓﺮ ﺧﻴﻠﻬﻢ ﺳﺤﮕﻮﺍ ﻣﺜﻞ
ﺳﺤﮕﺎﻭﺍ ﺃﻳــــﺘﺎﻣﻪ
ﺭﻣﺎﺡ ﺃﻋﻠﻪ ﺍﻟﺠﺴﺪ ﻭﺳﻬﺎﻡ ﻣﻦ
ﻛﻞ ﻛﺘﺮ ﺗﺘﺮﺍﻣﻪ
ﻭﻫﺠﺖ ﻏﺪﺭ ﻭﺃﻳﺘﺎﻡ ﻣﺎ ﺗﻌﺮﻑ
ﺩﺭﺑﻬﺎ ﺃﻣﻨﻴــــﻦ
ﺣُﺴﻴﻨﺎٌُ ﻭﺁ ﺣﺴﻴﻨﺎﻩ
*****************************
ﺃﻧﻔﺼﻞ ﻋﻦ ﺍﻟﺠﺴﻢ ﺭﺃﺳﻪ ﻭﮔﻊ
ﻃﻮﺩ ﺍﻟﺼﺒﺮ ﻳﻤﻪ
ﻳﺘﺎﻣﻪ ﻭﻏﺪﺭ ﺃﻧﺴﻠﺒﺖ ﻣﺜﻞ ﻣﺎ
ﺳﻠــــــــﺒﻮﺍ ﺟﺴﻤﻪ
ﺃﻧﻄﻔﺢ ﺩﻡ ﻣﻨﺤﺮﻩ ﻭﺣﺘﻰ
ﺍﻟﻤﻨﺎﻳﻪ ﺃﺧﺘﻨﮕﺖ ﺃﺑﺪﻣـــﻪ
ﺑﻜﻞ ﺍﻟﻌﻴﻦ ﺃﻧﺮﺳﻢ ﻧﺤﺮﻩ ﻭﺩﻣﻪ
ﺗﻔﺎﻳﺾ ﺑﻜﻞ ﻋـﻴﻦ
ﺣُﺴﻴﻨﺎٌُ ﻭﺁ ﺣﺴﻴﻨﺎﻩ
*************************

[قرة عين المرتضى]

اللهم صل على محمد وال محمد
شكرا لك اختي طالبة على هذه
القصيدة الجميلة وشكرا ايضا
للشاعر الاديب جابر الكاظمي
على هذه الكلمات فعلا انها
درر

[فراس الحلفي]

بسمه تعالى

ماوصل شيعي أمس يدفن حسين - طلعت الأعراب سكته ودفنته
وهسه كل الناس تبجي له وتنوح - ومن شمال الصين وادم زارته
يالتزور حسين إصبر لاتزور - إقره ليش حسين قامت ثورته
حتى من تنزل دمعتك عالحسين - تعرف شكَد الثواب بدمعته
تدري ليش الميت ايعصره القبر؟ - وتدري شيصيح القبر في ميته؟
خاف حابس دمعة في حق الحسين - اليوم تطلع من ظفر سبابته
وحتى تعرف منك شرايد حسين - مو تزوره وأنت جاهل غايته
حسين رايد روح تنهض بالضريح - مو تحط دينار ماهو بحاجته
روح علق قلبك اباب الحسين - وشيل كل هاي الذهب من حضرته
حسين مامحتاج حكَ قبة ذهب - الذهب محتاجه راح إلقبته
والناس لو تدري الذهب قصد الحسين - جان مانصرت يزيد وخانته
وياهو كَال الشيعة فقدت جم حسين - وياهو كَال هوايه وادم تبعته
صاح صوت امن السما بمقتل حسين - وبعده لسه يصيح محد سكته
من ذبحتوا احيسن بكيتو الشمس - بس خيال حسين يشتم الهوى
ومن بكت عين الشمس ضوٌى الظلام - وكلشي صار اخيال واحسين الضوى
أقنعتكم كلها طيحها الحسين - الثورة ماخلٌت وجه ماكشفته
وحرتو شتلبسون سيدكم يزيد - وهيٌَ كل الشيعه عرفت صورته
ومن فضحكم نور سيدنا الحسين - سيوفكم للراس راحت كَصته
وتالي حرتو, ماخفى راس الحسين - وفوق راس حسين ضوٌت جثته
ومن فشلكم شلتوا راسه اعلى الرماح - وقلتو راس احسين نزلت قيمته
ما تِنَزل أرماحكم راس الحسين - بالعكس عالروس كلهن علٌته
ثبتت الكفار فوزك ياحسين - والجرى بصفين بالطف عادته
بس فرق شلٌت يزيد بكربلاء - مالكَت قرآن, راسك شالته
وبكَت جثت احسين تضوي اعلى التراب - وانتقل نور الحسين ابتربته
وهسٌه كلمن يسجد ابتربة حسين - تنزل الجنٌة تختمه بكَصته
وانتو بيكم بيٌنت شارت حسين - وماعلينه شلون بيٌن شارته
المهم فوزين فزنا احنا بحسين - فوز حبٌه وفوز فضل زيارته
الله يحسب حجة وحدة بكل سنة - للسبع مرات طاف ابكعبته
واحنا لو رحنا مشي نزور الحسين - نمشي كل خطوة تعادل حجته
وياهو قال الشيعة ماعدها عقل - راحت إلنهر الفرات ولامته
لأن ملجومين نعتب عالفرات - إحنا ندري حسين ماهو ابعازته
حسين لو رايد صدق ماي الفرات - جان ماضكه العطش يم ضفته
وجا روى العباس من دمه الشريف - وجا كطع دابر يزيد وشلته
وجا ولا واحد شرب ماي السبيل - وجاتموت امن العطش كل شيعته
حسين لو مامعتني ورايد يموت - جان ميَة باب فك إلعبرته
حسين مايقدر يفك ماي الفرات! - وموسى شك النيل شك إبعصته
حسين أبو السجاد شايل ذوالفقار- يعني لو طكَ الفرات يشتته
وجان مايضرب سهم عنق الرضيع - وجان ما حلى السمه بدم رقبته
وجان ماضل جون يضوي اعلى التراب - ولاتعطرت كربلاء ابريحته
ولا يتوب الحر على إيد الحسين - ولاثٍبَت للناس فوزه ابتوبته
وجان كله الدين طاح اويالحسين - ومابقه العباس رافع رايته
راية العباس مارادت تطيح - لكن إنقطعت يساره ويمنته
وطاحت جفوف القمر فوك التراب - وطاحت الراية اعلى جفه وباسته
باسته ورادت تمس خد التراب - وكَام جفه إلوحده وكض رايته
سيدي العانينته من شلة يزيد - فوقه عشر اضعاف زينب عانته
فوق قبرك وقفت وصاحت حسين - خويه ماقاسيت مااختك قاسته
من طحت يحسين ماشفت الحسين - شلون حدوات الحوافر داسته
وماشفت بشعت ذبحتك من قفاك - والرماح شلون راسك شالته
وماشفتني شلون جروني اليهود - وإبنك السجاد حرقوا خيمته
وماشفت يحسين من يضحك يزيد - وبالرمح عالقاع راسك ثبته
شلون مانبجي وندك لجل الحسين - وكل سنة بعاشور ننصب مأتمه
إنكسر ظهر الكون من طاح الحسين - والجبال إمن اللطم متثلمه
ولنَ ماكو جفوف وتدكَ النجوم - تنهدك عالقاع وترد للسمه
تدري شنهي المعجزة بلطم الحسين؟ - ماتموت الناس لو تمطر دمه
ويا كل جف يرتفع يوقف ملاك - اشما يدق الشيعي صدره يقدمه
وعدنا بالشيعة زلم لولا الملاك - جا صدرها بضربة وحده اتهشمه
روح للمذبح تلاحظ كل ذبيح - يلاوي بالقصاب من قد حرقته
والذبيحة من نذرناها إلحسين - لزمت الساطور هي وحدته
الشاعر: نائل المظفر

[طالبة]

قرة عين المرتضى شكرا لهذا التواجدالندي والثناء الراقي
أن الاديب الكظماوي هوهكذا شعرة رائع إينما يحل .

[طالبة]

ﻳﺎﻟﺘﺰﻭﺭ ﺣﺴﻴﻦ ﺇﺻﺒﺮ ﻻﺗﺰﻭﺭ
إيها اللبيب فراس الحلفي النبراس
شكرا لهذه القصيدة التي أقشعرجسدي من قرأتها رعاك الله إينما تحل.