خروج الحسين عليه السلام

[فراس الحلفي]

بسم الله الرحمن الرحيم
اللهم صل على محمد وال محمد الطيبين الطاهرين

حسين الكربله اتعنه ودع وطن هاديها
ظلمت من عكب عينه وعجت كل اهاليها

جمع كل اخوته بليل وكاللهم يهل بيتي
ارحل عن وطن جدي وهاجر صممت نيتي
ماريدن حياة الذل بالعز رايد امنيتي
ولا بايع لعند يزيد تحت الضغط والتهديد
وعيش بذل اولوي الجيد
وحنه اهل الفخر والعز هاشم من يدانيها

حسين الكربله اتعنه ودع وطن هاديها
ظلمت من عكب عينه وعجت كل اهاليها

اميه تريدني اخضع وبايعهم وطيع ايزيد
وغضي النظر عن حكي وساومهم اميه تريد
وراكن ودهن الظلهم حته للاوثان اتعيد
ولا اعترض فكرتهم وغضي عن عقيدتهم
عوده الجاهليتهم
اميه تشوه الاسلام وتنفي احكام باريها

حسين الكربله اتعنه ودع وطن هاديها
ظلمت من عكب عينه وعجت كل اهاليها

وهتف دين النبي باسمي ولبيت النداء الدين
وشتكه من يزيد وفعاله وعليل اصبح يريد معين
وخبر مسنود عن جدي اليداوي الدين دم حسين
وريدن للجهاد جنود عن دين النبي اذود
عهد من النبي معهود
ابدمنه شجرة الاسلام وكت الضيج نسكيها

حسين الكربله اتعنه ودع وطن هاديها
ظلمت من عكب عينه وعجت كل اهاليها

واخذ كل اهل بيتي واحفظ بيضة الاسلام
واجاهد دون احكامه وادحر فكرة الظلام
واسوي بكربله موقف وانشر للعداله اعلام
واميه اكشف حقيقتها وادحر كفر فكرتها
بين جاهليتها
وذكرها كفر جدها ومن الدين اعريها

حسين الكربله اتعنه ودع وطن هاديها
ظلمت من عكب عينه وعجت كل اهاليها

وبعد مابين الحاله الهم والحديث اوبان
رفع راسه وناداهم يخوتي يا فخر عدنان
نوك السفرهيئوها لعند الحرم والرضعان
السفر باليل اريدنه وكبر جدي اودعنه
وسوي ابمسجده حنه
وخبرنه اهل بيتك يجدي الهظم عاليها

حسين الكربله اتعنه ودع وطن هاديها
ظلمت من عكب عينه وعجت كل اهاليها

وناده بصوت يا عباس يخويه اجدم على اضعوني
يخويه انته الدليل الها ويميني انته وضوه عيني
ولن صوت الصده ينادي يها الضعن تانوني
عليله بالوطن ظليت وعليه اوحش يبويه البيت
ولاواحد اليه ابكيت
العليله عكب اهلها اشلون منهو الي يباريها

حسين الكربله اتعنه ودع وطن هاديها
ظلمت من عكب عينه وعجت كل اهاليها

رد من الضعن ليها لمن سمع نخواها
وكعد يمها ابو السجاد وصب دمعته المبجاها
وسلاها اعلى فركتهم وتالم الشكواها
وكلها المنزلج ردي وقيمي يم كبر جدي
يبويه انه عهد عندي
تنزل للجهاد الكل الواجب يناديها

حسين الكربله اتعنه ودع وطن هاديها
ظلمت من عكب عينه وعجت كل اهاليها

يبويه والحرم كلها بعدي للجهاد تخوض
يبويه وعمتج زينب ابخطبها عن السيف تعوض
يبويه وعلتج صعبه الجهاد عليج مو مفروض
وعلنت الجهاد الان رجال وحرم والرضعان
وبالطف يعمر الميدان
وندحر جبهة الظالم وحجر سجيل نرميها

حسين الكربله اتعنه ودع وطن هاديها
ظلمت من عكب عينه وعجت كل اهاليها

[كاظم الحاتمي]

................................................(ع يد سعيد ) .................................................
بسم الله الرحمن الرحيم
والحمد لله رب العالمين والصلاة والسلام على اشرف المرسلين ، حبيب اله العالمين ، العبد المؤيد والرسول المسدد ، والمصطفى الامجد ابي القاسم محمد ، وعلى آله الطيبين الطاهرين الاخيار المنتجبين الاطهار ، واللعنة الدائمة على اعدائهم اجمعين من الآن وفي كل آن الى قيام يوم الدين .
احسنتم اخي العزيز والغالي المشرف الرائع ضمناً ومضموناً ( فراس الحلفي ) ، مشاركة رائعة ، بارك الله فيكم .

.....................................كل عام وانتم بخير ...............................................

[طالبة]

ﻳﺴﻌﺪﻧﻲ ﻭﻳﺸﺮﻓﻨﻲ ﺍﻥ ﺍﺿﻊ
ﺑﺼﻤﺘﻲ ﻋﻠﻰ ﺻﻔﺤﺎﺗﻜﻢ ﺍﻟﺘﻲ
ﺗﺰﻫﻮ ﺑﺎﻟﺠﻤﺎﻝ ﻭﺍﻟﺮﻭﻋﻪ

[فراس الحلفي]

بسم الله الرحمن الرحيم
اللهم صل على محمد وال محمد الطيبين الطاهرين

الى الاخ المبدع المشرف الرائع والمثابر (كاظم الحاتمي )تخجل الكلمات عن التعبير للثناء عليك وتقف متحيرة امام روعتك وتواصلك المميز وفقت لكل خير بحق محمد وال محمد

[فراس الحلفي]

بسم الله الرحمن الرحيم
اللهم صل على محمد وال محمد الطيبين الطاهرين

السعادة لنا بمروركم الرائع اختي الموفقة (طالبة )