افدي الديار

[ناصر العترة]

افدي الديار

هل مدمع بعد الحسين يعار....فالصبر في ترك المصيبةعار
لاخير من بعد الحسين لعاقل.... تالله ما بعد الحسين قرار
خل المنازل واغتنم لك فرصة.... تقضى اليك بها لديه جوار
والثم تراب ضريحه مستنشقاً.... طيبا حواه ضريحه المعطار
وتسل ان رمت السلو به اذا.... ضاقت بما رحبت عليك ديار
بالله زره لك الهنا ان زرته.... ان الجميل على الجميل يزار
لو لم يكن في العمرالا مرة.... فهي المنى ان اعوز التكرار
افدي الديار عقيبه قداصبحت.... للبوم من بعد الانيس مزار
ونعى له الناعي وقدقضي القضا... وجرت بيوم مصابه الاقدار
يااهل يثرب لامقام لكم بها... ذبح الحسين فمدمعي مدرار
الجسم منه بكربلاءمضرج... والراس منه على القناة يدار
يااهل يثرب شيخكم وامامكم... امسى ذبيحا ماله انصار
يااهل يثرب سبط احمدبالعرى...بالطف ملقى ماله استار
لاتتركوه على التراب مجدلا... زواره الاسباع والاطيار
ياسيدي يامن بطيب ترابه... يشفى العليل وتظهر الاسرار
لولاك ماعرف الفخارولا سما... يوم التفاضل غالب ونزار
قل لابنك المهدي يخرج عاجلا... ظهر الفساد وعاثت الاشرار
فبسيفه وبنور غرةوجهه ... يشفي الغليل ويدركن الثار
وعليك صلى الله مافرع زكا... قد طبت لما طاب منك نجار
ماطافت الزوار يوم فضيلة... حول الضريح وما استنار نهار

[ناظم الخفاجي]

جزاكم الله خيرا اخي العزيز ناصر العترة على هذه المشاركة القيمة وننتظر منكم المزيد من العطاء والتواصل

[طالبة]

ﻟﻜﻠﻤﺎﺗﻚ ﺩﻭﻡ ﺑﺮﻳﻖ ﺧﺎﺹﻓﻬﻲ
ﻟﻴﺴﺖ ﻣﺠﺮﺩ ﺃﺣﺮﻑﻭﻛﻠﻤﺎﺗﻚ
ﻟﻴﺴﺖ ﻭﻟﻴﺪﺓ ﺍﻟﺼﺪﻓﺔ ..
ﺑﻞ ﻫﻲ ﻧﺰﻑ ﺭﺍﺋﻊ
ﻛﻢ ﻫﻲ ﺭﺍﺋﻌﺔ ﻛﻠﻤﺎﺗﻚ ,,
ﻭﺍﺳﺠﻞ ﺍﻋﺠﺎﺑﻲ ﺑﺠﻤﻴﻞ
ﺣﺮﻓﻚ ,,
ﻭﺑﺎﻧﺘﻈﺎﺭ ﺍﻟﻤﺰﻳﺪ ﻣﻦ ﻛﻠﻤﺎﺗﻚ
ﺍﻟﺮﺍﻗﻴﺔ

[فراس الحلفي]

بسم الله الرحمن الرحيم
اللهم صل على محمد وال محمد

ماوصل شيعي أمس يدفن حسين - طلعت الأعراب سكته ودفنته
وهسه كل الناس تبجي له وتنوح - ومن شمال الصين وادم زارته
يالتزور حسين إصبر لاتزور - إقره ليش حسين قامت ثورته
حتى من تنزل دمعتك عالحسين - تعرف شكَد الثواب بدمعته
تدري ليش الميت ايعصره القبر؟ - وتدري شيصيح القبر في ميته؟
خاف حابس دمعة في حق الحسين - اليوم تطلع من ظفر سبابته
وحتى تعرف منك شرايد حسين - مو تزوره وأنت جاهل غايته
حسين رايد روح تنهض بالضريح - مو تحط دينار ماهو بحاجته
روح علق قلبك اباب الحسين - وشيل كل هاي الذهب من حضرته
حسين مامحتاج حكَ قبة ذهب - الذهب محتاجه راح إلقبته
والناس لو تدري الذهب قصد الحسين - جان مانصرت يزيد وخانته
وياهو كَال الشيعة فقدت جم حسين - وياهو كَال هوايه وادم تبعته
صاح صوت امن السما بمقتل حسين - وبعده لسه يصيح محد سكته
من ذبحتوا احيسن بكيتو الشمس - بس خيال حسين يشتم الهوى
ومن بكت عين الشمس ضوٌى الظلام - وكلشي صار اخيال واحسين الضوى
أقنعتكم كلها طيحها الحسين - الثورة ماخلٌت وجه ماكشفته
وحرتو شتلبسون سيدكم يزيد - وهيٌَ كل الشيعه عرفت صورته
ومن فضحكم نور سيدنا الحسين - سيوفكم للراس راحت كَصته
وتالي حرتو, ماخفى راس الحسين - وفوق راس حسين ضوٌت جثته
ومن فشلكم شلتوا راسه اعلى الرماح - وقلتو راس احسين نزلت قيمته
ما تِنَزل أرماحكم راس الحسين - بالعكس عالروس كلهن علٌته
ثبتت الكفار فوزك ياحسين - والجرى بصفين بالطف عادته
بس فرق شلٌت يزيد بكربلاء - مالكَت قرآن, راسك شالته
وبكَت جثت احسين تضوي اعلى التراب - وانتقل نور الحسين ابتربته
وهسٌه كلمن يسجد ابتربة حسين - تنزل الجنٌة تختمه بكَصته
وانتو بيكم بيٌنت شارت حسين - وماعلينه شلون بيٌن شارته
المهم فوزين فزنا احنا بحسين - فوز حبٌه وفوز فضل زيارته
الله يحسب حجة وحدة بكل سنة - للسبع مرات طاف ابكعبته
واحنا لو رحنا مشي نزور الحسين - نمشي كل خطوة تعادل حجته
وياهو قال الشيعة ماعدها عقل - راحت إلنهر الفرات ولامته
لأن ملجومين نعتب عالفرات - إحنا ندري حسين ماهو ابعازته
حسين لو رايد صدق ماي الفرات - جان ماضكه العطش يم ضفته
وجا روى العباس من دمه الشريف - وجا كطع دابر يزيد وشلته
وجا ولا واحد شرب ماي السبيل - وجاتموت امن العطش كل شيعته
حسين لو مامعتني ورايد يموت - جان ميَة باب فك إلعبرته
حسين مايقدر يفك ماي الفرات! - وموسى شك النيل شك إبعصته
حسين أبو السجاد شايل ذوالفقار- يعني لو طكَ الفرات يشتته
وجان مايضرب سهم عنق الرضيع - وجان ما حلى السمه بدم رقبته
وجان ماضل جون يضوي اعلى التراب - ولاتعطرت كربلاء ابريحته
ولا يتوب الحر على إيد الحسين - ولاثٍبَت للناس فوزه ابتوبته
وجان كله الدين طاح اويالحسين - ومابقه العباس رافع رايته
راية العباس مارادت تطيح - لكن إنقطعت يساره ويمنته
وطاحت جفوف القمر فوك التراب - وطاحت الراية اعلى جفه وباسته
باسته ورادت تمس خد التراب - وكَام جفه إلوحده وكض رايته
سيدي العانينته من شلة يزيد - فوقه عشر اضعاف زينب عانته
فوق قبرك وقفت وصاحت حسين - خويه ماقاسيت مااختك قاسته
من طحت يحسين ماشفت الحسين - شلون حدوات الحوافر داسته
وماشفت بشعت ذبحتك من قفاك - والرماح شلون راسك شالته
وماشفتني شلون جروني اليهود - وإبنك السجاد حرقوا خيمته
وماشفت يحسين من يضحك يزيد - وبالرمح عالقاع راسك ثبته
شلون مانبجي وندك لجل الحسين - وكل سنة بعاشور ننصب مأتمه
إنكسر ظهر الكون من طاح الحسين - والجبال إمن اللطم متثلمه
ولنَ ماكو جفوف وتدكَ النجوم - تنهدك عالقاع وترد للسمه
تدري شنهي المعجزة بلطم الحسين؟ - ماتموت الناس لو تمطر دمه
ويا كل جف يرتفع يوقف ملاك - اشما يدق الشيعي صدره يقدمه
وعدنا بالشيعة زلم لولا الملاك - جا صدرها بضربة وحده اتهشمه
روح للمذبح تلاحظ كل ذبيح - يلاوي بالقصاب من قد حرقته
والذبيحة من نذرناها إلحسين - لزمت الساطور هي وحدته
الشاعر: نائل المظفر