الى الشيعة الإمامين:

[السيد العرداوي]

بسم الله الرحمن الرحيم
الحمد لله رب العالمين والصلاة والسلام على محمد وآل محمد
أبيات حسينية أهدي ثوابها لكم ولأمواتكم وأموات شيعة أمير المؤمنين - صلوات الله وسلامه عليه - من لا ذاكر لهم يذكرهم وأسألكم الدعاء:

خلـَّـك مِلتـِــزم بالديــن .. يا شيعي اقتدي بحسين
خلك رافضي ومِقدام
مهما جــــارت الأيام

حتى تفوز بالداريــــن .. يا شيعي اقتدي بحسين
تاريخ البشر معلوم .... من يوم انخلق واضح
حتى الخالقة الديّان ....... يصبَح عابد ومادح
وانطاه العقِـل خلاّه ....... فاسد يعرف وصالح
لا جبراً ولا تفويـض ....... أمُر ما بينهن لايح
وابهذي الأسُس خلاّه ...... عقله ايميِّز الطالح
من ذوله البشر أشرار ... ومنهم بالعقل راجح
وناس التِبعت الأهواء ..... ومنهم ملتزم فالـح
وبيهم مُبتذَل فاشِل ....... وبيهُم مُجتَهد ناجـح

وبيهم من تِبَـع شيطـان
وخالـَف مَنهَج الرحمن
يالسامــع مكانـَـك وين؟
يا شيعي اقتدي بحسين

أيــــــام الدهر أيــــام ......... معلومه ابمواردها
وأصناف البشر أصناف ...... مِختلفه ابمقاصدها
بيهم عاشِگ الدنيا ........... بكل ما بيها يعبدها
وبيهم من نكرها وعاف ..... واصبح هوّه سيدها
وهذي الدنيه كر وفر .......... جاهل من يواددها
مرّه اتدوسك برجلين .......... مره اتناولك خدها
واصحاب السياسه اليوم .. خنشوف اشبكه عدهُا
هل بيهم فرد واحد ..... جروح الشيعة ضمَّدها ؟

كل يــــوم الظلــم يزداد
وآلآف البشــــر تنبـــاد
ونومه البرلمانييــــن!!
يا شيعي اقتدي بحسين

يا من تدعي الإيمان ........ وانك عالنهج ساير
وابعين الصلافه اتگول ........ للدين العُمر ناذر
خلنه اليوم نحچي اوياك ... وابشخصيتك انسافر
نعرف بالسياسه ادروب .. والسايس شبه ساحر
حُسيني اقرينه بوصافك ..... وابنفس النهج ثائر
وتنسِب روحَك الحيدر .......... لكن بالفعل غادر
لو نهجَك نهج أبرار .......... بطـِّل حُكمك الجائر
وگبل لا تبچي عالأيتام ...... غادر قصرََك الفاخر

مكشوف الوضع للناس
قادتنه جمِع أنجــــــاس
قله البيهــــــم الخيرين
يا شيعي اقتدي بحسين

يالشيعي التزم بحسين .... خلك رافضي ومهيوب
يالي ابجبهتك واضح ...... إسم الرافضي مكتوب
خلك ثائِر ابنهجك ........ واگطع عالبُغات ادروب
شيعي ابسُمعِتك مَعلوم ... أصناف المِنَح مَوهوب
لا ناقص رجل لا إيد ......... لا فكرك فكر معيوب
ويسندك رسول الله ........ وشبله القائم المندوب
ثور اعله الغصَب حقك ..... واعليك انتهج مَلعوب
ثور اعله السياسي الجاي .. يحكم بيـك بالمگلوب

بيدك شِــد زمــام الثـار
وطيِّح كــل وجوه العـار
زلِزل كل رمـوز الشين
يا شيعي اقتدي بحسين

جاهر يالوفي جاهر ...... وافضح زمرة الأعداء
أولهم طغاة الجور ....... الظلمو فاطمه الزهراء
واخرهم طغاة اليوم ...... البيهـه اتحكمَت أهواء
خلي العالم ايشوفك ...... خــــل توصلهم الأنباء
ثور ابثورة الوجدان ..... وأگلب صفحة الأرزاء
صير ابمنهجك أشتر ..... صوت اتردده الأصداء
واركب مركب الثوار ..... الترسَو بالدمه الميناء

ثور اعله الذي خدعوك
وابأرخـص ثمن باعوك
ثور اعلـــه الوصوليين
يا شيعي اقتدي بحسين

[طالبة]

ﻣُﺘﺼَﻔﺢٌ ﻓَﻮﺍﺡ ﺑِﺎﻷَﺭِﻳــﺞ ﺗَﺪﻟّﻰ
ﻣِﻦ ﺭَﺣِﻴﻖ ﺍﻷﻗْﺤَﻮﺍﻥ .
ﺳَّﻠْﺴَﺒِﻴْﻞِ ﻣِﻦْ ﻧَﺒْﻊِ ﺍﻟْﺎﺑْﺪَﺍﻉُ ﻟَﺎ
ﻣُﺘَﻨَﺎﻫِﻲ

[السيد العرداوي]

بسم الله الرحمن الرحيم
الحمد لله رب العالمين والصلاة والسلام على المبعوث رحمة للعالمين الرسول الاحمد المصطفى المؤيد صلوات الباري تعالى عليه وعلى آله الطاهرين
حياكم الله اختنا الطيبة صاحبة الشعار الذهبي الذي حصلتم عليه بجهدكم المبارك والمستمر الطالبة شكرا لكم على حسن الاطلاع وحياكم الله ووفقكم لكل خير ونتمنى لكم التوفيق الدائم راجين من المولى المقدس ان يوفقنا واياكم وجميع العاملين لخدمة المولى ابي عبد الله الحسين عليه السلام.