العباس عليه السلام يخاطب اباه عليا عليه السلام

[فراس الحلفي]

بسم الله الرحمن الرحيم
اللهم صل على محمد وآل محمد الطيبين الطاهرين

كصد لرض الغري عباس لبوه المرتضى الكرار
يكله اليوم اكر عينك وخلي للحشر تذكار

يبويه اعللعهد باقي وجيت اليوم اخبرنك
لشتت كوم بن سفيان وصيح بصوت انه ابنك
وصيرن باب اخوي حسين تغذيت الوفه منك
البي الدعوته ابكل حين ولا اطبك جفن عالعين
وجودي من وجود حسين
لبذل مهجتي دونه واصون الدين وحمي الدار

كصد لرض الغري عباس لبوه المرتضى الكرار
يكله اليوم اكر عينك وخلي للحشر تذكار

يبويه احملت للرايه يبويه انطيت حك السيف
وخز الفارس الينعد وصنفت العده تصنيف
يبويه لوله المكدر يا وسفه او الف يا حيف
ما واحد وصل حدنه ولا يتمكن ايصدنه
يفيض اعلى الخلك مدنه
احنه سيوف ابو طالب موت احمر على الاشرار

كصد لرض الغري عباس لبوه المرتضى الكرار
يكله اليوم اكر عينك وخلي للحشر تذكار

يبويه اتكفلت زينب ومن طيبه اطلعت وياي
يبويه اتوزمت بيها وعلى المحمل يرف الواي
وصيتك كون انفذها ابد ما غمضت عينك
اعذرني يالدحيت الباب يبويه والقدر غلاب
وتسببت هالاسباب
عقيلة هاشم او عزها يسيره والدموع اعبار

كصد لرض الغري عباس لبوه المرتضى الكرار
يكله اليوم اكر عينك وخلي للحشر تذكار

يبويه ابذلت كل جهدي لمن نفذ عدنه الماي
حملت الجود والرايه وكصدت المشرعه عناي
وظلت حرم والرضعان وسكنه وزينب برجواي
شبيدي علقدر من حال يبويه خيب الامال
وهاجت بس حرم واطفال
كلها تصيح يا عباس وينك يبن حامي الجار

كصد لرض الغري عباس لبوه المرتضى الكرار
يكله اليوم اكر عينك وخلي للحشر تذكار

يبويه افكدت ليميني ويساري وسهم صاب العين
يبويه بيش احمل السيف وانه فاجد الجفين
يبويه كون تعذرني يا والد حسن وحسين
يبويه عالنهر ظليت ولعند الخيم ما رديت
السكنه وللطفل حنيت
الجانت تنتظر عمها او تترجا ازغار اكبار

كصد لرض الغري عباس لبوه المرتضى الكرار
يكله اليوم اكر عينك وخلي للحشر تذكار

يبويه من لفاني حسين وناده يا كمر هاشم
وشاف الجود والرايه وشاف الرمح والصارم
صاح استوحدوني الكوم يخويه عالنهر نايم
يا فارس بدر وحنين لمن شفت حال حسين
انحنن مني الظلعين
يبويه انهدم حيلي الحكم السنته الاقدار

كصد لرض الغري عباس لبوه المرتضى الكرار
يكله اليوم اكر عينك وخلي للحشر تذكار

يبويه للخيم من رد ابو السجاد يحملني
كتله لا يبو اليمه هذا الامر يهظمني
السكنه واعدت بالماي شكلها من تعاتبني
والزينب شكللها وانه الجنت ظل الها
بت عودي امدللها
يبوبه شعتذر منها اذا شافت عليه الصار

كصد لرض الغري عباس لبوه المرتضى الكرار
يكله اليوم اكر عينك وخلي للحشر تذكار

يبويه والاشد واعظم من الموت او دواهيه
لمن بالسبي زينب يبويه مرت اعليه
تكلي العهد جا وينه يخويه رحت مسبيه
واخافن تشتكي عندك يبويه او هالامر همك
وانه مستحي منك
يبويه اقبل عذر مني خضعت الحكمة الجبار

كصد لرض الغري عباس لبوه المرتضى الكرار
يكله اليوم اكر عينك وخلي للحشر تذكار

[طالبة]

ﻣًﻮٍﺿًٍﻮٍﻉًٍ ﻛَﺂﻟﻤًﻄُْﺮٌٍ ﺁﻟﻬٍَﺘُِِّْﺂﻥْ ﻳَﺸًِْﻐًﻒْ
ﺁﻟﻘٌٍﻠﺐٌَِ ﺑٌَِﺮٌٍﺅﻳَﺘُِِّْﻪٍَ
ﻭٍﺁﻥْ ﻳَﻈْﻞ ﻋًٍﺒٌَِﻖٌٍ ﺗُِِّْﻮٍﺁﺟًِْﺪًٍﻙَ ﻳَﻠﻄُْﻒْﺍﻟﻘﺴﻢ
ﻭﺍﺑﺼﺎﺭﻧﺎ ﺩﻭﻣﺎﺑﺠﻤﺎﻝ ﻣﺎﺗﻘﺪﻡ
ﻧْﻨْﺘُِِّْﻈْﺮٌٍ ﻣًﻨْﻚٍَ ﻫٍَﻄُْﻮٍﻝ ﻃُْﻠﺘُِِّْﻚٍَ ﻣًﺮٌٍﺓ
ﺁﺧٌِﺮٌٍﻯ ﻣًﻦْ ﺧٌِﻶﻝ ﺁﺑٌَِﺪًٍﺁﻋًٍﺂﺗُِِّْﻚَﺍﻟﻤﻤﻴﺰﺓ

[العلوية]

بسم الله الرحمن الرحيم
الحمد لله رب العالمين والصلاة والسلام على محمد وآل محمد الطيبين الطاهرين
ابدعتم ايها الاخ الفاضل والمشرف المبدع فراس الحلفي فيما نشرتم نتمنى لكم التوفيق الدائم