تويت
قرأة هذه القصيدة واحببت ان تقرأوها معي
واسمها : ( لان هذا العراق )
اعمل للوطن ولتخَلي بقلبك حِقد وتضُمـــــــرَه
الوطن رَباك وعلمك تحترمه ماتخِســـــــــــره
العراق يريد ايد بأيد ومن اجل كُل العراقييـــن
مُو من اجل ذاتك تشتغل ولغيرك تُضـــــــــره
علمنه الوطن حُب الناس والغيره والايثــــــار
علمنه الصدق والاخلاص والايمان والعِبـــرَه
وعلمنه نحترم كل الناس والهم ننحني بأجـلال
ماعلمنه ضد ابن البلد نسد عليه بيبان ونطُــره
اذا ابن العراق وشرب من دجله وفرات الماي
شلون هذا اسلوب واي دستور يااستاذ تحتقـره
من حق العراقي عليك يأخذ وينطي ويــــــاك
مُو من حَقك تعيل عليه وتسخر بيه كل مَـــره
قانون عندك وارجع انت للقانُــــــــــــــــــون
من هيبة العراقي ارجوك لتقلل ولاتذَمــــــرَه
بعيونك عراقك وبالقلب خليـــــــــــــــــــــــه
لان هذا الوطن معروف واحنه امه متحَضره
احذر من اخوك تنال ولاتدور الثــــــــــارات
واخمد نار هذي الفتنه بالمَــــــــــــــــــــــــره
شيعي وسني وصابئي واشوري كلنه اخــوان
وايزيدي وتركماني ومسيحي شموع متنـوره
وكل شعب العراق وكل اطيافه والاقليــــــات
شَعب واحد من اربيل حته نوصل البصــــره
ومانسمح لكل طامع وحاقد من الارهابييـــــن
يدخل بنص العراقيين وعلينه يتجَــــــــــــــرَه
الوطن يحتاج كل مخترع وفنان وعالم واستاذ
وكل طاقه وكفاءه تخدم العراق نريدهه حُــره
وكافي تقيدون اهل العلم بالكتل والاحـــــزاب
نخسر راح سنين التعب وللعالم نخســــــــــرَه
العراق يريد قلب مفتوح وبدون تعقيــــــــدات
ولازيد وعمر بيه يتحكم ويفرض عليه سِعـرَه
خلوه للعراقي يتنفس هوه العشــــــــــــــــــاك
يناضل ويعمل ويكافح للوطن ويدرس ويقــره
وكل واحد يخدم العراق بخير نكافئه ونحميـه
ونقدم جوائز لكل مُبدع ونحترمه ونقـــــــدرَه
ومانستعجل ونحكم ونأخذ قرار بســـــــــــاع
مطلوب التأني والاستفسار ومو كل واحد نكفرَه
اخوك هذا وكون تخدمه وانت راضي عليــه
لان من طبع العراقي غل مايحمل بصــــدرَه
واذا غلطان ربك طلب منك تسامح الغلطــان
والعفو عند المقدره مطلوب وجرب وحــذرَه
لان ابناء ادم من زمان خطــــــــــــــــــاؤون
وهذا مو شي جديد عليك حته بعلمك تفســـرََه
مد ايدك لأخوك واحضنه وسامحه بكل طيب
ولاتحاول بكل مره مزاجه تغيره وتعكــــــرَه
لان عُمر الغضَب ماحل مَشاكل نـــــــــــاس
وكل شي بالهدوء ينحل وبالعقل والخبــــــرَه
اخوك وثم اخوك وثم اخوك تريد لو ماتريــد
مو تحقد عليه وتسفهه بكل مَره مِن نظـــــرَه
مو غلطان انت لو تصفح عن اخوك اليــــوم
وحلو انت من تبادر كبل اي واحد وتعتـــذره
ابد مو عيب من تمد لأخود ايدين بيهن شُـوك
وجرب راح تربح ولتخلي بقلبه ابد حســــرَه
لان هذا العراق يستاهل نحبه ونحاميـــــــــه
ونحب اهلنه وناسنه لان هذا الوطـــــــن دُره
وخلينه نبدي من جديد نبني الوطن ونعمـــرَه
واحذَر للعراقي مَره ياعراقي مِنه تتبـــــــــرَه
سيد احمد العباسي
تعليق