في شجاعة القاسم بن الحسن السبط عليه السلام

[فراس الحلفي]

بسم الله الرحمن الرحيم
اللهم صل على محمد وآل محمد الطيبين الطاهرين

بالطف ضحت الانصار للدين وبني هاشم
كال الدور اليه اليوم انه بن الحسن جاسم

كصد جاسم لعند حسين رخصه ايريد من عنده
يريد الثار من سفيان او وعده الها لحرب عنده
صال او طشر الجيمان يشبه للوصي جده
وراثه هلشجاعه الهم من عمر العله جدهم
يتواكد جمر حدهم
مايجسر عدو يدناه وفضلهم علخلك دايم

بالطف ضحت الانصار للدين وبني هاشم
كال الدور اليه اليوم انه بن الحسن جاسم

مثل فر الرحه فرهه او غبر كل وجوه الجيش
صكر وتلوح اعلى اعداه واخذ منهم قوام الريش
فرع من اصل ابو طالب نبع وعلى الفضيله ايعيش
كام ايجول بالميدان او نكس راية الفرسان
او بعثر جيش ابن سفيان
ماهالته جموع الناس بيهم حكم الصارم


بالطف ضحت الانصار للدين وبني هاشم
كال الدور اليه اليوم انه بن الحسن جاسم


يشبه للوصي جده وحملاته ابدر وحنين
يقدالفارس ابسيفه ويشطر جثته شطرين
بعثر كل جحافلها اوانشبها الوجل والبين
بحماسه ومرجله وهمه يطشر الجيش ويلمه
صار اعلى العدو غمه
وعمه مستر بفعله ودمعه من الفرح ساجم


بالطف ضحت الانصار للدين وبني هاشم
كال الدور اليه اليوم انه بن الحسن جاسم


يكله انطيت حك السيف يعمي وشاعت اعلومك
تمنيت الحسن حاضر اليوم وينظر ارسومك
ونصب خيمتك بيدي يجاسم وفرح ابيومك
وتحضر كل بني عدنان وهاشم زهرة الديوان
يزفونك يعالي الشان
يعمي من الحسن نورك تبكه بكل فعل غانم


بالطف ضحت الانصار للدين وبني هاشم
كال الدور اليه اليوم انه بن الحسن جاسم


تمنيت الزمان ايدوم يعمي ومستقر الحال
وتمثل عودك وجوده وبيك انجدد الامال
ولعد امك حصن مانع تسند للحمل لو مال
واحقق كل امل عندي يجاسم ووفي ابعهدي
امانه من الحسن عندي
يعمي وهالامانه اتدوم واريدنك تظل سالم


بالطف ضحت الانصار للدين وبني هاشم
كال الدور اليه اليوم انه بن الحسن جاسم

الحسين (عليه السلام ) يخاطب اخاه ابا الفضل العباس (عليه السلام)

يكله يبو فاضل يخويه عندي اعلوم
اوحى الرسوله واخبره الواحد القيوم
ننزل يخويه بكربله وتغدرنه الكوم
وتظل خواتك حايره عكبك يجيدوم
ونيران اتشب بالخيم والعايله اتهوم
وزينب يبو فاضل تظل يم جثتي اتحوم
عاليها يا خويه الحزن تكبع بالهموم
تهتف يبو الشيمه انتهض واسرع يمظلوم

[الرحى]

ﺍﻟﺴﻼﻡُ ﻋﻠَﻰ ﺍﻟﻘﺎﺳﻢِ ﺑﻦِ ﺍﻟﺤﺴﻦِبنﻋﻠﻲّ، ﺍﻟﻤﻀﺮﻭﺏِ ﻫﺎﻣﺘُﻪ،ﺍﻟﻤﺴﻠﻮﺏِ ﻻﻣَﺘُﻪ، ﺣﻴﻦ ﻧﺎﺩﻯاﻟﺤﺴﻴﻦَ ﻋﻤَّﻪ، ﻓﺠﻠّﻰ ﻋﻠﻴﻪ ﻋﻤُّﻪكاﻟﺼَّﻘﺮ، ﻭﻫﻮ ﻳَﻔﺤﺺُ ﺑﺮِﺟﻠَﻴﻪ
ﺍﻟﺘُّﺮﺍﺏ، ﻭﺍﻟﺤﺴﻴﻦُ ﻳﻘﻮﻝ:ﺑُﻌْﺪﺍًلقوﻡٍ ﻗَﺘَﻠﻮﻙ، ﻭﻣَﻦ ﺧَﺼﻤُﻬﻢيوم ﺍﻟﻘﻴﺎﻣﺔ ﺟَﺪُّﻙ ﻭﺃﺑﻮﻙ
اجرك الله وأحسن عزائك

[فراس الحلفي]

بسم الله الرحمن الرحيم
اللهم صل على محمد وال محمد الطيبين الطاهرين

اسعدني مرورك المبارك وفقك الله لكل خيربحق محمد وال محمد وحشرك معهم انه سميع مجيب

[أم مصطفى]

الأخ الشاعر فراس الحلفي :
أخذتنا بهذه الكلمات إلى يوم الثامن من المحرم المخصص لذكرى عريس الطفوف
حفظ الله شبابنا وجعل لهم نهجاً قويماً على درب القاسم بن الحسن (ع)
ووفقكم للمزيد من الإبداع في حق العترة الطاهرة (ع)
في ميزان حسناتكم ببركة الصلاة على محمد وآل محمد ،،،