تويت
بسم الله الرحمن الرحيم
اللهم صل على محمد وال محمد
{مبروك هالفرحه علينه}
تهنأ خاصة بمولد الامام الحجة بن الحسن (عج)
مبــــروك ياأمّة نبيـــــــنه مبروك هالفرحه علينه
هالليله حلوه امنوّره نبعث تهاني الحيدره
مبروك هالفرحه علينه
***
ابيوم الولاده إتزيِّنت كل السماوات
والأنس والجن ردّدت أحله إبتهالات
أرض وسمانه نوِّرت باجمل شعارات
ابهالفرحه كلها جدِّدت طيب الموالات
شمع الفرح يضوي بدينه وهالليله نمشي للمدينه
ونهنّي طه اوفاطمه وبالحسن راعي الغانمه
مبروك هالفرحه علينه
***
للسبط من عترته العتره الرشيده
نور النبوّه ابغرّته شبل الصميده
إشـگـال الرسول الأمّته إبشر وليده
أبن سيد شباب الجنّته والجنّه بيده
انوار الولاده نوّرينه وبفرحته كلنه إعتلينه
يحباب يلّه هلّلي وصوت الأفراح اليعتلي
مبروك هالفرحه علينه
***
أبن الحسن من علم النبي ابمهده تروّه
إتغذّه المجد ويّه الكرم اتغذه المروّه
بولادته صوت العرشب الفرحه دوّه
هوه الإبه ورمز الفخر والغيره هوّه
وبرايته كلنه احتمينه من بعد حيدر ياولينه
هالحفل محله منظره ونصيح كلنه ابمفخره
مبروك هالفرحه علينه
***
نور الإله إبغرّتك ضوّه الوسيعه
شبل ألأكارم طلعتك لجل الشريعه
حكمة الباري اختارتك عين الطليعه
ولكل موالي اولادتك صارت شفيعه
ابحبك وخيره احنه ارتمينه يالمانضب ﭼفّك معينه
ﭼفّك يبن حامي الحمه يروي النفوس من الضمه
مبروك هالفرحه علينه
***
نهدي التهاني ابهالفرح البيت الميامين
للمصطفى وللمرتضى وبضعة الطيبين
وهالفرحه نهدي المنتظر وي دمعة العين
ابهوسات نمشي الكربله ونهنّي الحسين
وبحضرته كلنه ارتمينه وگلوبنه انعلـگها زينه
أنصار إحنه للأبد اويه حسين نبقه اعله العهد
مبروك هالفرحه علينه
.gif)
تعليق