احلى هديه للخطباء وهذه القصيده لم تقرى الا في زمان صدام المقبور وللاول مره تنشر

[حيدر الاسدي]

قصيدة بحق حبيب ابن مظاهر الاسدي(رضوان الله عليه)
أكبل حبيب الكربله من كوفان** والكصد ينصر شبل داحي البيان
وعاف الحلالي والديران** ويرضي النبي بنصرته ويرضي الرحمن
حين الوصل طف كربله وشاف الكوم**كله برواياه على ابو اليمه أتحوم
لحسين أكبل لاجن دمعه مسجوم**عفيه منته وكلبه يتوكد نيران
حياك كله يبن ظاهر حياك**ودري الجره ام نهل الغدر مايخفاك
كله يشبل المصطفى قر عيناك**أفني الضياغم وجري دمه وديان
أدري يكله وبيك الكفايه**ونته يبن ظاهر الحامي الثايه
وتحمي الحرم وتحمل الرايه**ولوشافتك تمن يحيد النسوان
يكاه يبن خير العمل اوكف سد ** ودون المخيم والحرم وحمي الحد
وانته وسيفي وكربله بيه تشهد**لو ثكل عجه وعتمر للميدان
نعمين ابن ظاهر الضيغم معروف**كول وفعل وبيوم الكشر ماصوف
خله العده بطف كربله أجول أرفوف** فرت والمصكر غدت جنحان
فرت والمصكر عليه حومه**ودعه الجثث ترس الحومه
وشتت زلمه وطشر الملزومه** وتوسط أجموع العده عالي الشأن
ذيج الجموع أبصارمه أتولاها**وبلكدته أنجوم الظهر راواها
لاوين ماتدري غدت منواها**واليفر مذعورمنه ودوهان
مذعوره وسيفه عليه يصب شر**وما سلم من الحرب النفل غير الفر
وحسين يتنوعله وكلبه أستر**بيه وجهه غده يتهلهل فرحان
فرحان أبو اليمه بحبيب ومرتاح**وما تدري أشحال أحسين من كالوا طاح
وردت عليه الكوم بسيوف ونبل ورماح**لفاه أحسين ولن يشوفه أبدم جبينه غركان
غارج حبيب بدم جبينه مسفوح**والعلم يمه على الوطيه مطروح
ظل ينتحب ويكله يا عزالروح**وبعدك يبن ظاهر ولتني العدوان
ترضى يبن ظاهر أضل أوحيدي**وهلي الكوم كله أتريد كطع أوريدي
كتلوا أنصاري وخوتي ووليدي**وحاطوا بيه وما بكالي عوان

[الرحى]

وفقك الله انا اعشق شخصية حبيب
وحتى عندماازورالحسين احب كثيرا زيارتة لكن لم أزرة الامرتين بسبب زحام الزوار
وثم لاأعرف مكانة بالظبط لان أذهب وحدي ووالدتي تنتظرني فاخجل من السؤال عن مكانة بلغ سلامي وأشياقي لحبيب