تويت
بسم الله الرحمن الرحيم
اللهم صل على سيدنا محمد واله الطيبين الطاهرين الاخيار المنتجبين
لسان حال الاب .يخاطب ولده الشهيد
مو هيج اليسافر يا عمود... البـــيت
جنــك من أون ما تسمع ...اونــيني
ابــوك اوحكي من اعتب يماي العين
اصيـح اعليـك ما تـوكف تحــاجيني
تعـبت اعليك يمدلل صبرت اســنين
ردت تكـبر او من أكـبر... تباريني
فـرد مـوته متت يوليــدي وارتاحيت
وانه كل ساع اموت اوحظي يحييني
تـــدري ابسـفرتك للـجـنة بالفردوس
غـــير اتصيحلي يــبني... اوتتانيني
شـنهي الجـنه ما بيـهه ثـمار اهواي
حتـــى اتخــاف تخــلص ما تكـفيني
الله اويــاك بــويه امهنه اذا مرتاح
خلـيني ابعذابي اعـليك ...خــليني
بس آنه اعتقد من عندك احسن حال
ولـو نارك ابكلبي اوحــيل ..تاذينـي
ما ابجـي علـيك ابسبب ابني اومات
ولو بعــدك شباب اوغبت عن عيني
بس ابجي اسبكتني ابفزعتك لحسين
اوعــدم نـيل الشهادة اوياك يبجيني
انــت بالنعـيم اوبـارد .....الــدلال
وانه الطم ونـوحن وابـجي لحسيني
احب ابكه ابجزع حد طلعت الموعود
او من يشفي اجروح احسين يشفيني
نعيـم الجنـه بــويه ما يســلي الروح
لطمــي اعله السـبط هـــو اليسليني
نسال الله الرحمه لشهدائنا والصبر والسلوان لذويهم
تعليق