امثلة الاطوار ـ وزن الفايزي ـ 4

[كاظم الحاتمي]

بسم الله الرحمن الرحيم
اللهم صل على محمد وآل محمد الطيبين الطاهرين المعصومين .
مثال رقم 10
زينب على الناكه يبوالحسنين تنخاك .....انهض يبو الشيمه وخلصها من اعداك
زينب يحيدر ترتجي منك الجيه ....او شنهو الذي اما اخرك يبو النفس الابيه
ليتك تراها بين عدوانك سبيه ......للشام شالت عن وليها وهي برجواك
ماهي المصونه اللي تربت وسط الخدور .....واليوم مسبيه الرحيم الله على كور
تعاين على العسال راس احسين مشهور .....لمن سمعها تنوح منها الدمع سفا
بعد الاساور اصبح وامسي مكيده ....يا بوي من عض الحبل ورمت ازنودي
يوم انكتل حيدرمضى عني سعودي ....ذبحوك يلوالي او ذبحوا جملة ابناك
اتمنيت لاعشنه ولاشفنه ابن زياد ....يوم مع الايتام دخلونه با لاكياد
وضعيتي يا بوي شمتت بي الحساد.....ترضى يدخلوني المجلس مع يتاماك
واتذكرت با لامس جيتها الكوفه .....فرسان هاشم حول هودجها تحوفه
في اظلال حيدرصاحب النفس العطوفه.....واليوم ضاعت يا علي ما بين اعداك


مثال رقم 11
سبط الرسول ابكر بله تحير نجيه .....ونادى شسم هلكاع يليوث الحر بيه
كا لوا يبو السجاد اسمها الغا ضريات .....ولها اسم عند الخلايق شط الفرات
مع نينوى والعكر يا سيد السادات .....كلهم وكلبه امن الوجد يسعر لهيبه
بل الله شسمها غير هاذي يا صنديد .....كا لوااطفوف اوكربله يابن الاماجيد
كلهم دنزلوا غير هذي الارض ما ريد .....وكولو لزينب تسعد الهلمصيبه
حطوا ضعنه ابهل فضا او نصبوا خيمنه .....وبهاي يسباع الحرب نزلوا حرمنه
معلوم عندي ابهل ارض ينسفك دمنه ......موعود بيها وعدي من الله اوحبيبه
انجان ها ذي كربله بشروا ابلايه .....ونزلوا تره لاحت علامات المنايه
لازم بجانب هلنهر نكضي ظماي ....واجسادنه تبكه على الغبره سليبه
كم شاب مايهنه ابشباب ايضل معفور ....كلنه ابثراها انظل عرايه مالنا اكبور
هاذي مصارعنه ووعدنه ابيوم عاشور .....او تبكه حرمنه نادبه ابدمعه سجيه

[الرحى]

من وزن الفايزي كوفة الحزن شعر ام هدى الخزاعي
************************************************** *************
ياكوفه ليـــش بيا ذنب مســلم كتلتي = = خطارعدج والدي ظيف وغدرتي
ــــــــــ
ياكوفه بيج اتيتــمت وانا زغـــــيره = = ومجتوفه بحبال الهظم عندج يسيره
لوجدي حيدرينتفض شيخ العشـيره = = وينظرالحالي وغربتي وبيه اشعملتي
ـــــــــــ
ياكوفه لوبيدي يصـــــح تربج المــــه = = واحظن اثرمســـــلم انابلهفه واشمه
وبدمعي اغسل كل أرض عفرها دمه = = لاجن بحبل الجتفه جفوفـــي ربطتي