امثلة الاطوار ـ وزن الفايزي ـ 5

[كاظم الحاتمي]

بسم الله الرحمن الرحيم
اللهم صل على محمد وآل محمد الطيبين الطاهرين المعصومين .
مثال رقم 12
ظلت تناديهم يهل كوفان ارحموه ......هذا ابن اخوالكرار حيدر لاتسحبوه
خلوه يمشي براحته كلبه شعبتوه .....خافوا من الله ما لكم مذهب ولادين
صاحت يا مسلم يا عظمها خجلتي بيك .....شبيدي وانه حرمه ضعيفه ومكدر احميك
لو يتركونك جان افت كلبي وادويك......انجان اسلمت من كيدهم سلم على احسين
كلها يطوعه اليوم ماتحصل سلامه ......اوصيج جان ابهل بلد نزلو يتامه
كولي تره مسلم يبلغكم سلامه واجرج على الله والنبي سيد الكونين
مثال رقم 13
صعدوا بمسلم والدمع يجري من العين .....توجه بوجهه للحجاز يخاطب احسين
يحسين انا مقتول ردوا لاتجوي ....خانت بي الكوفه عكب مابا يعوني
وللفاجر ابن زياد كلهم سلموني .....مفرود وانتوا ياهلي عني بعيدين
يا ليت ها لدم الذي يجري على الكاع .....مسفوح بين ايديك يا مكسور الاضلاع
ياحيف منك محتضيت ابساعة اوداع .....بيني اوبينك يا حبيبي فرك البين
صاح الدعي ابن الزياد فيهم لاتمهلوه .....بالعجل من فوك الكصر للارض ذبوه
كطعوا كريمه والجسد با لسوك سحبوه .....با لحبل مابين الملا وافجعه الدين
مثال رقم 14
كلبي كسرته يا غريب الغاضريه .....مثل اليتامه تمسح ابكفك عليه
تمسح على راسي ودمع العين همال .....جني يتيمه الكافي الله من هلحوال
ماعودتني ابهلفعل من كبل يا خال .....خليت عبراتي على خدي جريه
ابمسحك على راسي تركت الكلب ذايب .....هذايعمي من علامات المصايب
كلبي تروع حيث ابوي ابسفر غايب ....طول الغيبه ايعوده الله ابعجل ليه
ضمها الصدره والدمع يجري بلخدود.....او كلها يعمي والدج ما ظنتي يعود
شهكت اوظلت تنتحب وابروحها اتجود
،،،،،،،،،،،،،،،،،،،،،،،،،،،،،،،،،،،،،،،،
الى امثلة النصاري ان شاء الله تعالى .

[الرحى]

____
ياكوفه مسلم من دنت ســـاعة منيته = = بلغ ســــــلامه للسـبط واهله واوخوته
بنسم الهوى صوته وصل بلغ تحيته = = وســـلم عليه والدي وســــجبت دمعتي
____
ياكوفه من مايه انحرم جي خبط بدموم = = ماشرب من ماي العذب ظل ظامي محروم
يبجي ودمع عينه يهل لحســـــين مالوم = = ريتج حفظتي غربته وليه انتفـــظتـــي
من وزن الفايزي كوفة الحزن شعر ام هدى الخزاعي