امثلة الاطوار ـ وزن النصاري ـ 2

[كاظم الحاتمي]

بسم الله الرحمن الرحيم
اللهم صل على محمد وآل محمد الطيبين الطاهرين المعصومين .
مثال رقم 4
يا شيال راس احسين رد بيه .....لوين اتريد عن جسمه توديه
نريد الراس يم جسمه نخليه.....او ندفنه لايظل جسمه امجسم
يا شيال راس احسين رده .....لوين اتريد عن جسمه تبعده
لون يشوف ايشوف حاله اليوم جده ....بجه اعلى مصيبته ابدال الدمع دم
مثال رقم 5
اجت زينب تصيح الله واكبر .....يخويه ليشه لنومه بهلحر
بجت زينب او نا دت يا ولي....ينور العين يا عكلي واخيي
يخويه الصبر من بعدك امعني ....علي او نار فكدك دوم تسعر
يخويه من ضرب راسك ا بسيفه ....طعن كلبك ابرمحه واخذ حيفه
وما خله ابروحه بس طريفه .....خفيه او شافها الموت المكدر
يخويه من سمعت المهر يصهل .....تخيلتك بجودالماي مجبل
اصد لن المهر محرب او معول ....جالب عدته والسرج يصفر
على امصابك لجيمن دوم نوحي ....يعيني با لدموع اليوم طيحي
امصابك يا عيوني شعب روحي .....لونه با لصخر ذاب وتفسر

[الرحى]

قصيدة للشيخ الشاعر حسن العزاوي مشيدا بالوطن وقد قيلت قبل اكثر من ربع قرن
غير الوطن ما مش بعد سلونه
انشد عدونه يلمحب سلونه
من سابج اللي كابلك سلونه
ينبيك عن اللي خفه وليظهر

[الناطقة بالحق]

اللهم صل على محمد وآل محمد
مبارك عليكم شهر الصيام والرحمة والغفران
وتقبل الله صيامكم وقيامكم صالح اعمالكم

مشاركة تستحق الثناء عليها
بارك الله بكم وبجهودكم حضرة المشرف الموقر و زادكم الله تبارك وتعالى من علمه الوافر

وجعل هذا العمل في سجل رثاء الإمام الحسين عليه السلام
☆☆☆☆
☆☆☆
☆☆
☆