تويت
بسم الله الرحمن الرحيم
اللهم صل على محمد وال محمد الطيبين الطاهرين
اللهم صل على محمد وال محمد الطيبين الطاهرين
يا باب الحوائج ياسفينة نوح ********** جزر حبك طويل ويصعد ويالمد
يراهب بيت ال المصطفى الاخيار******** سجنك صار جامع بيه تتعبد
امكيد بالسلاسل وانت كلك فيض********** كلي بيا حديد الفيض يتكيد
علمت السجن كل المعاني البيك **********وسجانك جزع حد مالكالك حد
كهف الغيض صدرك يالحويت الغيض ****** عجيبة شلون غيض بصدر يتحدد
ابطن الحوت يونس ماحمل ايام ********* رغم ماجان حوتة وياه يتودد
وانت سنين عمرك كضن عد الحوت ****** وحوتك بالعذاب وياك يتعمد
يوسف بالسجن والسجن سبع اعوام ******* بس لمن طلع عالعالم تسيد
وانت 15 وتجاوزت كم عام ***********تالي عالجسر مسموم ومدد
ايوب الصبر بيه اقترن مولاي ********** وانت الصبر منك كام يتولد
موسى من مصر غادرهاثمن سنين ******** وشوكة للاهل بي كل وكت يشتد
وانت من الاهل محروم حدالموت********** كلي شلون ميت للاهل يرد
يا اطول سجود يسجلة التاريخ *********** لوعدينة بيك ايتيه بينة العد
عدوك شاف قطعة من القصر عالكاع******** فوك تراب سجنك بكل وكت تمتد
شافك وانذهل من جاوبوه عليك ***********عرف شنهو اليريدة وبين المقصد
ماصدك سجن والسجن بيك احتار********** وانت بكل كتر منصوبلك مشهد
هارونك تضعضع نزل لاسفل ساف *********وانت برغم سجنكعل الخلد تصعد
ياسفرة الحاج ويا هوة التعبان ************نارك بالكلب هيهات ما تبرد
يلخلصت يونس من ظلام الحوت ********** خلصنة بجاه المصطفى الاحمد
يمخلص الجنين وهوبالارحام ************ خلص هالشعب من كل ظلم اسود
*****************************
تعليق