بريحة منبرچ جيتچ يَ زينب !!

[أم مصطفى]

في زيارتي للسيدة زينب ع في الأربعينية هذا العام:
----------------------------------------
بريحة منبرچ جيتچ يزينب
وقلبي من لظى الأحزان يلهب
خذيني ياخت الحسين
الحضرتچ قرة العين
بريحة منبرچ جيتك يزينب
--------------------
جيت معطّره بعطره عباتي
وعليه مسجله أحلى ذكرياتي
يا أغلى عمل عندي بحياتي
ذخري وعدتي وفخري ونجاتي
يزينب سجليني
بقبولچ شرفيني
بريحة منبرچ جيتچ يزينب
--------------------
إجيت بأشجى أبياتي وأنيني
وحروفي مبلله بدمعات عيني
ورسمت لچ بالأسى لوحة حنيني
يمن فدوه إلچ عمري وسنيني
بروحي والله أفديچ
وعلى راسي أخليچ
بريحة منبرچ جيتچ يزينب
--------------------
إجيت بلهفتي وأشواقي حادي
وحنيني ولوعتي وخالص ودادي
وصافي نيّتي وصدق اعتقادي
وقبول زيارتي غاية مرادي
أرجوكِ تقبلين
بجاه الحسن وحسين
بريحة منبرچ جيتچ يزينب
--------------------
بورود الأمل جيت اعلى بابچ
وروحي بالهوى تعانق أعتابچ
وأشتم بالفضا ريحة ترابچ
أجدد لچ عهد واذكر مصابچ
وأبكي اعليچ كل عين
وأنوحن من تنوحين
بريحة منبرچ جيتچ يزينب
--------------------
تاج راسي خدمتچ وانتِ تدرين
بيها أفني العمر بمرور السنين
وذكرچ يبقى خالد ويّا الحسين
بدماه حسين وانتِ بدمعة العين
بينت الكرم والوجود
يالفضلچ بلا حدود
بريحة منبرچ جيتچ يزينب

[الرحى]

ﺍﻟﺴﻼﻡ ﻋﻠﻰ ﺍﻟﺮﺅﻭﺱ ﺍﻟﻤﺸﺎﻻﺕ ،
ﺍﻟﺴﻼﻡ ﻋﻠﻰ ﺍﻟﻨﺴﻮﺓ ﺍﻟﺒﺎﺭﺯﺍﺕ
تقبل الله زيارتك وقصيدة جميلة ومعبرة؟وفقك الله للمزيد بحق الحسين

[أم مصطفى]

ï؛چï»ںï؛´ï»¼ï»، ﻋï»*ï»° ï؛چï»ںï؛®ï؛…ï»*ï؛± ï؛چï»ںﻤï؛¸ï؛ژï»»ï؛• ،
ï؛چï»ںï؛´ï»¼ï»، ﻋï»*ï»° ï؛چï»ںﻨï؛´ï»®ï؛“ ï؛چï»ںï؛’ï؛ژï؛*ï؛¯ï؛چï؛•
تقبل الله زيارتك وقصيدة جميلة ومعبرة؟وفقك الله للمزيد بحق الحسين

حياك الله بالحسين ع عزيزتي الرحى ووفقك لزيارة عاجلة لكعبة العاشقين أبي عبدالله الحسين ع
لا تنسيني من خالص دعائك حفظك الله ورعاك
شكري وتقديري لروعة حضورك ،،،،