تويت
أكضم غيض صبرك بعد لليحچون وأعذرهم حليم وهيچ عندك جد----- نفس المجتبى بالمعنى والمضمون وغم المايشوف الصبح هذا أرمد----- أصحاب التخلف والجهل طعنوك وشأنك مثل جدك ما نزل يصعد----- حذرت الشعب من حكم بي معتوه من شفت الوطن كل يوم يتفرهد ----- تسد رزّة الباب بوجه كل مسؤل لان عندك شعب مابي ظهر ينشد----- عاف المرجعيه وركض للأحزاب ورجع نفس السفيه البالحكم عربد----- تنطيهم ثمر وأنت بحجر يرموك ما تأمن قريش برسل يمحمد----- شعب ما مقتنع حتى بسفينة نوح من يجتاحه ألف طوفان مايصعد----- يزكيلي السياسي ويحط بيك الصوج وعلى نائب الحجة أنوب يتمرد----- اتظاهر وخذحقك مرجعك شعليه لا تحرگ الگاع بحقدك الأسود----- ولا تحرف طريقك من يجيسك غيض ولا تفتح الباب البعد ما ينسد----- گله بطاعتك ياسيدي ومولاي نحرگها الكراسي الخانت المشهد----- يل تملك الدنيا وگاعد بأيجار نگطعها الچفوف عليك من تمتد----- يبو الفتوى التلم كل العراقيين نار الفتن كلها بصايتك تخمد----- بيك الخوئي وصه وهوه أعلم بيك وختارك المهدي وعممك أحمد
- أهلا وسهلا بكم في منتدى مدرسة الامام الحسن عليه السلام الدينية
إذا كانت هذه زيارتك الأولى للمنتدى فنرجو التكرم بزيارة صفحة التعليمات بالضغط هنا كما يشرفنا أن تقوم بالتسجيل في المنتدى إذا رغبت بالمشاركة، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.