قصيدة عزاء

[فراس الحلفي]

بسم الله الرحمن الرحيم
اللهم صل على محمد وال محمد

تعال اسمع بجي عيالك ونزف دمعي عله اوصالك
***********************
كلت باجر يمر طيفك وشوفنك يبن امــــي
يمر ليلي واّنه الوحدي الحزن والهم صفن يمي
تعال امسح دمع عيني يمن جيتك شفه الهمي
عليك اقسم يبو السجاد بدمه المحسن وضلع امي
تعال امروعه اطفالك تريد اتشاهد اخيالك
**********************
بخرابه موسطه العدوان ولاهاشم سوى السجاد
عليل ودمعه هم يجري وتزجره شما حجه الاوغاد
ورقيه بالاسر ماتت حزينه من كثر البـــــــــــــعاد
ويزيد الصَّدر احكامه علينه بكل حقد وعنـــــــــاد
ظلام ادركنه بنوارك علينه طالت اخبارك
*********************
ابطشت خويه انوضع راسك وعلينه تضرب جفوف ايزيد
ويبجيني لواك اليوم عليه تظهر دماء الــــــــــــــــــــحيد
سبايا احنه بلاد الشام صفه العاشر عليـــــــــــــــهم عيد
يسبّون الوصي حيدر وابونه الثبت التــــــــــــــــــــــ وحيد
حزينه اموحشه اديارك يخويه ارجع من اسفارك
********************

لون رايد يخويه الماي تطك كل عين لك زمـــــزم
ولون تطلب دوه الجرحك اكص شرياني الك مرهم
شفت عينك تصد ليه بعد ما راسك اتـــــــــــــكلم
نحيب اختك عليك ايطول الك بكليبي ظل مأتم
بتربتك شفنه اسرارك عليهه اتصلي زوارك
*******************



الشاعر الحسيني
سعد محسن جايان
الجمعه 28/10/2011

[يا زهراء]

احن الله لكم العزاء *************بهذا المصاب وعظم الله لكم الاجر باستشهاد ابا عبدالله الحسين(عليه السلام)

[فراس الحلفي]

اّجرنا الله واياكم بمصاب سيدنا ومولانا سيد شباب الجنة
وشكرا لكم اختنا الفاضلة على مروركم الكريم