عمه يالسجاد ....

[اية الشكر]

بسم الله الرحمن الرحيم
اللهم صل على محمد وآل محمد وعجل فرجهم

عمّــــــــــــــــه يلسجّـــــــــــاد
ــــــــــــــــــــــــــــــــــــــــــــــــــ ـــــــــــــــــــــ
عَمّه يلسجاد إنطيني خبر == من دفنت إحسين وإشكال النحر
ـــــــــــــــــــــــــــــــــــــ
عمّه يلسجاد ما شفت الجروح == كم جُرح بحسين مفتوح إو ينوح
كم كتُر بحسين مكطوع إو يلوح == إصْبِعَه المكطوع ما شفته إو ظهر
ـــــ
عمّه يلسجاد من شفت الرضيع == ما بجيت إدموم عالطفل الوديع
ما دفنته إويه السبط يبن الشفيع == ما شلت سهم الذّي صابه إو نحر
ـــــ
عمّه يازينب نُطق نحر الشهيد == كال يابويه علي إبني الوليد
عالصدر خلّيه يابويه أريد == واني ياعمّه عِلَه بيّه الكدر
ـــــــ
من رحت عمّه لعد نهر الحزن == عمّي العباس شفته مِمْتحن
والعلم عالكاع ينخاه إو يحن == كوم ياعباس وإحملني جهر
ــــــــ
وين ظلّن ياعلي يبني الجفوف == من دفنت الصابته بيض السيوف
ما شفت جوده الغده بيه الحتوف == ما شلت سهم الذّي صاب النظر
ــــــ
وين خلّيت الشبيه الما وهن == وين الأكبر صار ياإبني إندفن
كم جُرح ماذيه وإمصوب البدن == سيف الأكبر جان يحمل للقدر

[فضة]

الاخت اية الشكر
قصيدة جميلة ومئلمه
سلمت اناملك التي طرزة هذه الكلمات
عظم الله اجورنا واجوركم

[اية الشكر]

عظم الله لكم الأجر أختي ( زينب قدوتي )

[الحوراء]

عضم الله اجورنا واجوركم بمصاب ابي عبد الله الحسين
قصيدة مؤلمه جدا سلمت لنا ابداعاتك وحشرك مع النبين والصديقين

[اية الشكر]

وعظم الله لكم الاجر ونشكر مروركم